Eri viceministra rech q’atel b’anoj k’ax rech ri Ministerio rech Gobernación, Claudia Díaz, xtatb’enik pa le Chomanem rech ri Nimalaj Q’atb’altzij rech Taqawokajilal rech Q’atel b’anoj k’ax chi ke winaqil ri’, ri k’amatil ub’e rumal ri K’amal b’e Amaq’, Alejandro Giammattei Falla ri’.
Eri b’anoj chomanem ri’ are xb’an pa le Rachochil Tinamit ri’ xuquje’ pa le b’anoj chomanem ri’ xchomax uwach ri kachakuxik xuquje’ ri tiqowchuq’ab’ kab’an ri’ rech uq’atexik b’anoj k’ax che kik’aslemal winaqil pa we amaq’.
Eri Giammattei Falla, xub’an jun nim sik’inik chi ke konojel ri wokajilal jachakunb’al ri’ rech pa komonb’al kechakunik rech uq’atexik ri b’anoj k’ax chi ke ri winaqil e aj iximulew ri’.
“Eri b’anoj k’ax che kik’aslemal ri winaqil are ri’ jun b’anoj k’ax che ri qas kab’an kumal ri nuk’wokaj e ajb’anol k’ax ri’, che ri chi jujunal ri b’anol k’ax kakib’an k’ax chi ke ri winaqil ri’, ri e k’o pa molaj ri’ xuquje’ pa le uwachwuj rech pa k’amq’aq’nil rech b’anoj k’ax ri’, are wa’ jun nim b’anoj k’ax chi ke ri winaqil ri’, rumal k’ut are wa’ jun nim k’ax che ri ya’talil winaqil ri’” xcha’ ri k’amal b’e amaq’.
Eri k’amal b’e rech ri Wokajil Ajchajil Tinamit (PNC), Rony Espinoza, are k’ut ri xtatb’en pa le chomanem ri’, xub’ij eri wokajil ajchajil tinamit k’o chik pa reqale’n jun Jachakunb’al rech kuterenb’ej utzukuxik uwach ri b’anoj k’ax ri’.
“Eri uj, uj chajinel juntir k’ut qaya’om qib’ pa le chakunem ri’ rech uq’atexik ri b’anoj k’ax che ri ya’talil winaqil ri’ jacha’ tane’ kab’an etz’ab’al che” xcha’.