Rumal k’ut k’o jun ali uxi’m rib’ xuquje’ sib’alaj koq’ij xsik’in loq pa le 1518 rech ri Ministerio rech Gobernación rech xuya’ ub’ixik che k’o jun achi ruk’ jun kuchilo xraj k’ut xub’an k’ax che rech kuchapo, pa Retalhuleu ri’, rumal ri’ eri xtow rech pa aninaqil xuya’ apan ub’ixik pa le comisaría 34  rech pa tinamit ri’ rech ruk’ rajilab’al uplaca ri uch’ich’ jun b’anol k’ax xterenb’ex utzukuxik ri’.

Rumal k’u ri’ xnajtib’ taj xraqataj kumal e ajchajil tinamit chi’ xuquje’ rumal ri’ xchapataj loq  le jun b’anol k’ax ub’i’ Francisco Hernández Padilla 53 ujunab’, aretaq katajin che uchapik rech ub’anik k’ax che jun ali pa le upickup pickup P-463GPF, pa le aldea Tulate, Centro 2, La Máquina rech pa juyub’ tinamit ri’.

Rumal ri’ eri e ajchajil tinamit xekowin che uchapik ri achi Padilla ri’ chi’ k’u ri’ xkikoj wi pa uchakuxik uwach ri q’atenik b’anoj k’ax chi ke ixoqib’ alitomab’ ri’.