Eri Quinto Viceministro Fernando Rodas, e rachib’il ri reqa’lenel ri Sección rech Asuntos Antinarcóticos xuquje’ kojb’al ri Taqanem ri’ (INL)xkib’an jun nim solinem pa le tijob’al Escuela Centroamericana rech Tijob’al e tz’i’ eqa’lenelab’ (ECEC) ri’.
Pa le ropanik chi’ xopan che usolixik ri jalajoj upam taq nimaja rech chakunem rumal ri puq ajchajinel ri’ xuquje’ xkiya’ loq utzijol ri rajwaxik k’o ri’. “Eri qataqim ri’ are rech ya’el uchuq’ab’ ri jachakub’al ri’ ruk’ juntir taq ri chakub’alil rajwaxik ri’, rech k’ax ub’anik ri kichak kakib’an ri’”, xcha’ ri viceministro Rodas.
Eri Ministerio rech Gobernación, pa le reqele’n ri Quinto Viceministro, pa komonchak kub’an ri’ xuquje’ pa komonchak katob’an ri’ ruk’ taq ri wokajilal pa we amaq’ jeri’ ri rech pa taq tinamit naj, pa le chomab’al ri ub’e’al chakunem ri’ rech ya’el uchuq’aq’ ri Wokom Patanelab’ rech Iximulewal ri’ xuquje’ rech kab’an uchakuxik kaq’atexik ri narcotráfico ri’.
“Are nim rajwaxik kaya’ ub’ixik ri upatanib’al ri jun nim tob’anem kumal nik’aj chik tinamit ri’ pa le uq’atexik ri jun nim k’axk’olil pa we amaq’. Ri in qas weta’m k’ut we junam kujchakunik xuquje’ we pa komon kaqachakuj ri’ k’o nimalaj utz kub’an chech ri Iximulew”, xcha’ ri viceministro Fernando Rodas.