Eri viceministro rech ya’olchajinik, Gendri Reyes, xopan che kasolixik ri reqa’lenel ri Wokajil Ajchajil Tinamit (PNC), che ri keraqatajik pa le tasb’an ib’ pa taq le zona 6 xuquje’ 7 rech pa uk’u’x nimatinamit, chi ke ri xopan wi che ujachik ri kijastaq ri rajawaxik chi ke ri’.
Eri taqanik xub’an ri K’amal b’e Amaq’ Alejandro Giammattei xuquje’ rumal ri’ Ministro Edgar Godoy Samayoa ri’.
Pa le ropanik ri Reyes chi’ xuk’ut wi ri ya’el tob’anik chi ke ri eqa’lenel ri’ xuquje’ xumaltyoxij chi ke ri kachak che ri tajin kakib’an chi ke ri winaqil e aj iximulew, rech ya’el uchuq’ab’ ri ya’olchajinem pa qatinamit ri’.
“Uj k’o chi’ rech keqato’o xuquje’ rech kaqata jas le qas rajawaxik chi ke, kaqak’amom jastaq rech kakitijo, xuquje’ jastaq tzuqub’al are rech kakitijo pa le q’ijol rech ri q’oxomal rumal ri jun k’ax yab’il ri’”, xcha’.
Eri jastaq xk’am b’i ri’ are xjach chi ke ri e reqa’lenel ri e ajchajil tinamit are ri’ aros, kinaq’, ak’, kuchb’al kichi’, ch’ajb’al kaq’ab’, rech kakiterenb’ej kakisaqab’isaj kib’ ri’.