Eri Viceministro rech Ya’olchajinem xuquje’ ri K’amal b’e Japache’ xkijaq ri b’iw ub’ixik pa uwachwuj q’aq’nil ri 1533

Eri Viceministro rech Ya’olchajinem, Gendri Reyes xuquje’ ri K’amal b’e Wokajil Japache’, Luis Rodolfo Escobar xkijaq ri ch’a’wib’al 1533 rajilab’al b’iw ub’ixik b’anoj k’ax rech ri Wokajil Japache’ ri’ (DGSP) pa le Japache’ kech Achijab’ rech ri zona 18.

Eri Viceministro Reyes xub’ij are keta’mam konojel ri winaqil ri’ che ri kakoj pache’ ri maj pa usaqil ri’, man juntir ta ri’, rumal k’ut e k’o e utz winaq pa le Japache’ xuquje’ e are utz kakilo le chak ri’.

 “Kojtajin k’ut che ub’anik k’ak’ chech we jun Nuk’ulemal ri’ ruk’ utzilem chi ke ri ajchajinelab’ ri’, eri tijob’enik rech japache’ ri’ are wa’ naj chik qeye’m k’ut rech qaraj kab’antaj uchakuxik ri’, qasochom ta kanoq che ix pa taq le japache’ chi paq’ij chi chaq’ab’ xuquje’ iya’om iwib’ kuriq k’ax ri’”, xcha’ ri Reyes.

Eri uwach ya’olchajinem ri’ we kamik are qas katajin ukojik rumal ri’ Ministerio rech Gobernación rech are wa’ kuya’ pa retal k’o kuchakuj uwach ri’ xuquje’ eri ch’a’wib’alil 1533 ri’ are wa’ xpe che ya’oj k’ajisab’al wach rumal ri PNC xkib’an ri winaqil pa taq le japache’ ri’, eri jun ch’a’wib’alil ri’ k’o waqib’junab’ man katajin ta ukojik ri’, chi’ k’ut Japache’ sib’alaj xtzalij chi rij ri’, emu wa’ kamik ri’ rech kuya’ chik jun k’ak’ chakub’al rech kakixikinaj xuquje’ rech kakib’ij ri e ajpache’ ri’.

“Eri jun ch’a’wib’al rech kachakun ri’ rumal b’a’ k’o b’iw ub’ixik pa awalik kuk’ul panoq ub’ixik ri’ xuquje’ are wa’ kawok uwach kumal ri jachakunb’al k’a pa le Inspectoría rech ri SP, Eri Unidad rech Análisis ri’ le xsuk’umax ri’ xuquje’ eri utob’anik ri Unidad rech Asuntos Internos rech ri Ministerio rech Gobernación”, xcha’ ri Viceministro Reyes.

Eri K’amal b’e rech ri Wokajil Japache’ xub’ij eri ub’anikil ri retal ri ch’a’wib’al 1533 are ech pa aninaqil kamol utzijolil ri’ rech kamaj ri tzukno’jchak chi rij pa le wokajil ri’ xuquje’ rech ketzukuxik keriqtajik chinaq keb’anoj ri k’ax pa le k’olib’al japache’ ri’ xuquje’ rech kaya’ utzijob’exik chi kech ri q’atb’altzij ri’.

Xub’ij chik eri ub’anikil ri b’iw ub’ixik ri’ are chi rij taq ri jastaq maj pa usaqil kakoj b’i pa japache’, ri itzelal kakib’an ri q’atb’altzij chi rij, ri b’anoj k’ax xuquje’ ri uq’axaxik ri b’anoj k’ax, ri b’anoj ch’ojinik xuquje’ ri kesam b’i kib’ pache’, ri b’anoj itzel chi kech ri kachalal ri e ajpache’ ri’, ri b’anoj k’ax kumal, ri toq’inik pwaq xuquje’ toq’inik utojik pwaq chi kech maj pa usaqil ri’.

“Kaqamaltyoxij che ri e ajk’ayil retal ch’a’wib’alil ri’ are xkiya’o jun tob’anik ub’anikil ri’ rech ya’tal ri’, xuquje’ eri nik’aj wokajil e tojom ri’ k’o nim taq sipanik kib’anom loq pa le ch’ob’otal chak ri’”, xcha’ ri Escobar.

Alerta de Corrupción

Ultimas noticias