Eri Viceministro rech Seguridad, Gendri Reyes ri are xopan pa solinik pa le japache’ rech Tz’apib’al ub’i’ “El Infiernito”, k’o pa Escuintla ri’, chi’ k’u ri’ xkowin che rilik ri xraqataj kuk’ ri e ajpache’ chi’ ri man ya’tal taj kak’oji kuk’.
Eri jastaq ri xraqataj chi’ k’o jastaq, ta’ob’al, ya’el uqul ta’ob’al, setkolib’al taluwach, kematz’ib’ab’al xuquje’ jun chakub’al rech kuya’ uwi uqul ta’ob’al.
Eri ajno’jchakunel rech tecnología rech Wokajil Ajchajil Tinamit, kub’ij are jun chakub’al k’o ukolob’ab’il, rech kujek’ retal ch’awib’al, internet xuquje’ rech nik’aj chik ilob’al ri’, xuquje’ are rech kuya’o uchuq’ab’ ri retal ri petinaq retal pa kolob’al chi saq che ri japache’ ri’.
Eri nab’e Viceministro xuya’ ub’ixik che ri winaq e ajpache’ ri’ kachomam chik kakib’an jun nimaq’ij ri’, are wa’ ketamam chik ri ajtzukunelab’ ri’, che nik’aj ajpache’ chomatal chik kumal kakib’an ri nimaq’ij chi’, xuquje’ are xtaqix uq’atexik we kamik rech k’ot chik k’ax kakib’an tane’ pache’ ri’.
Eri xb’antaj pa le tzukunem ri’
Eri Reyes xub’ij are wa’ ri jastaq maj pa usaqil xraqataj pa japache’ ri’, k’o 18 k’utub’al wachib’al ri’, kajib’ jorob’sab’al, 36 ya’el uqul tzij, keb’ tzijb’al, 27 setkolib’al rech DVD, 52 ta’ob’al, jun q’axb’al tzij rech uta’ik b’ix lajuj tzijchupib’al rech play station, kajib’ nintendos, kajib’ xikinib’al b’ix, 25 tzijb’al q’aq’, 54 tzijchupib’al, 11 ya’b’al uq’aq’ rech ch’awib’al, 19 qupib’al, 200 kolob’ch’ich’ rech k’amq’aq’nil, 101 chi setkolib’al rech DVD, jo’ob’ k’amb’al k’amq’aq’nil, pwaq b’otolik, jun nim ispa’ch, jun raxk’al, jun ti’t raxk’al, jun nim pipi juntir wari’ xraqataj chih’, kumal ri Ministro ruk’ ri Ministerio Público, are wa’ xtaqixik uq’atexik chi’, rumal ri korlim ya’olchajinik chi’ rumal ri K’amal b’e Amaq’ Alejandro Giammattei xuquje’ rumal ri Ministro Edgar Godoy ri’.