Eri Viceministro xub’ij che ketob’an pa juntir ri’ pa le K’ak’ Taqanem pa Japache’ Tz’apib’al ri’

Are wa’ uwach taq ri cholq’axchak rech kesuk’umax ri e 80 chi ixoqib’ e tz’apil pache’ pa Fraijanes I pa le K’ak’ Taqanem Pache’ Tz’apib’al ri’, chi rij wari’ eri Viceministro rech Seguridad Gendri Reyes xutij ub’ixik che k’o juntir ya’oltob’anik kaya’ chi ke le e ixoqib’ pache’ ri’, rech kaketa’maj kakitik ab’ix, kotz’i’j rech wiqb’alil, b’anoj kunab’al xuquje’ rech kakitik che’ ‘ kuwach rech katijik kakiya’o ruk’ nik’aj chik taqkil ri’.

Eri kekowin che uchakuxik ri’ rech kaketa’maj kakichin ri juyub’ rech b’anoj jalajoj tiko’nib’al jacha’ ri ichaj rech katijik, are wa’ xk’ut ub’ixik ri Nab’e Viceministro rech Gobernación ri’, pa le ropanik pache’ tz’apib’al ri’, are wa’ jun k’uta’n rech ri’ pa we amaq’.

Are chi’ xuya’ pa uq’ab’ ri Viceministro Reyes le uwach tiko’n xiwachix chi’, sib’alaj xuki’kotirsaj kuwach ri ixoqib’ e k’o pache’ tz’apib’al ri’ rumal le uwach taq le tiko’n xkib’an ri’ man xaq ta wa’ le kaketa’maj xane’ k’o nik’aj chik k’ak’ taq eta’mab’al kakich’ob’ ri’ xuquje’ are sib’alaj utz b’a’ we kakiterenb’ej uk’ixik katijoxik ri’ che ri k’uttijonem rech b’anoj je’lalil chi ke winaq, rech b’anoj kunan achib’al, rech nik’aj chik b’anoj taqkil, rech b’anoj kaxla’nwa xuquje’ k’a te xeloq’ le ch’ich’ chakub’al rech k’ib’anoj tiso’mab’al chi’ k’u ri’ rech kekowin che ub’anik le atz’iyaqb’alil kakichakuj chi ke ri empresas ri kikaj le kakichakuj ri’.

Eri Viceministro xub’ij k’ut che are wa’ kutun rib’ ruk’ le ch’ob’otal chak le k’o chik kumal xuquje’ rech ketob’an che uya’ik le uk’olib’alil le tiko’n ri’ ruk’ le ija’ rech kakiterenb’ej ri b’anoj tiko’n kumal le ixoqib’ e k’o pache’ ri’.

Rumal ri’ eri ixoqib’ e k’o pache’ ri’ sib’alaj xkimaltyoxij chi ke ri q’atb’altzij rech ri japache’ rech ri centro Fraijanes I ri’, jeri’ chi ke ri e ajtijonelab’ chi ke xuquje’ ri k’amal b’e taqawokaj rech pa Ixim Amaq’ ri’ qas chech ri Ministerio rech Gobernación ri’ rumal xtob’anik che katijoxik le ixoqib’ e k’o pache’ ri’, le xkikub’isaj ub’ixik ri’, che are wa’ jun nim tob’anik chik rech are qajb’al kiq’ab’ are chi’ keb’e pa taq kachoch ri’ rech kakik’asb’ej kib’ pa taq le kik’aslemal xuquje’ rech man k’ot chik k’ax kakib’an ri’ jacha’ ri xkib’an kanoq pa taq le xkik’aslemaj ri’.

Noticias Recientes