Pa le ujachik uwach ri ub’ixikil chak xb’anik pa le jachb’al rech rech ri Informe Trimestral rech Resultados rech ri Modelo rech Atención Integral kech Mujeres Víctimas rech ri K’ax ri’ Ix´kem (MAIMI), eri Viceministro rech Prevención rech ri K’ax, Carlos García Rubio, xub’ij ri’ eri tzukno’jchak katajin ri’ are la’ rech kechapataj na ri e ajb’anol k’ax chi ke ri ixoqib’, are wa’ maltyoxij ri’ chi ke ri ixoqib’ che ri kech’ob’om chik uwach ri b’anoj k’ax chi ke ri’, rech kakiya’ loq ub’ixik ri’.
“Rumal ri’ pa komonchak kuk’ ri k’i taq wokajilal rech ri taqawokaj pa amaq’ katajin uya’ik uchuq’ab’ ri’ ub’anik ilonem chi ke ri ixoqib’ kiriqom k’ax ri’, rumal ri’ eri MAIMI sib’alaj katajin che b’anoj kina’ojalil pa juntir ri’, rajwaxik eri ixoqib’ ri’ kakich’ob’o uwach ri b’anoj k’ax tajin kab’an chi ke aretaq kech’ayik, kab’an mem chi ke, man k’ot kipwaq kaya’ik, k’ot kijastaq kecheb’al kaya’ tane’, ke’itzelb’axik xuquje’ man k’ot kakib’ij loq, are la’ rajwaxik kakib’ij loq chi ke ri q’atb’al tzij rech ajchajil tinamit xuquje’ che ri Ministerio Público rech katoq’ix ukojik ri q’atoj tzij chi ke ri’, are la’ nim upatanib’al ri’ rech kakub’ kik’u’x chi ke ri q’atb’al tzij,” xcha’ ri García.
Pa le ujachik ri ub’ixikil chak b’anom ri’ ri’ pa le informe trimestral, xya’taj ub’ixikri’ eri reqa’lenel ri División Especializada rech Investigación Criminal (DEIC), nab’e che ri MAIMI e k’o 108 chi winaqil xutaq kichapik ri’ rumal b’anoj k’ax ri’, we kamik e k’o 143 chik, e k’o 252, katajin utzukuxik uwach ri’ xuquje’ k’o 389 ri’.
Eri xtaq uchapik ri’ rumal b’anoj k’ax chi ixoqib’ are jun ri’, we kamik ruk’ utob’anik ri taqawokajilal ri’ e oxib’ chik e chapom chik, jeri’ e k’o 41 e chapom chik rumal ri b’anoj k’ax ri’, pa junab’ ri’ e k’o chik 82 e chapom ri’.
Eri DEIC are ri wokajil ri’ le kuterenb’ej rilik uchomaxikk 5 mil denuncias ri’ che ri xe’ok pa le MP chi ri b’anoj k’ax chi ke ri ixoqib’ ri’.
Chi rij we jun tob’anem ri’, eri Fiscal General xuquje’ Rajtaqanel ri Ministerio Público ri’, María Consuelo Porras, xub’ij che “pa le 8 rech marzo rech pa junab’ ri’, are xumaj uchak ri Modelo rech Atención ri’ chi ke ixoqib’ che ri b’anom k’ax chi ke. Kuk’ wa’ k’o jun nimqachak kojtajin che ub’anik kuk’ ri ixoqib’ kiriqom k’ax ri’, are wa’ chakunem kojtajin che ub’anik kuk’ e 16 chi wokajil ri’”.