Eri viceministro rech seguridad, Gendri Reyes, xtatb’enik pa le b’anoj tzijob’enik xb’an chi kuwach ri q’atb’altzij rech ri Wokajil Ajchajil Tinamit (PNC) xuquje’ kuk’ ri q’atb’altzij rech ri Agencia rech Cooperación Internacional rech Corea (KOICA), chi’ k’u ri’ xumaltyoxij wi ri tob’anem xuya’o ri taqawokajil ri’ rumal k’ut ruk’ wa’ re xya’taj uchuq’ab’ kchak patan ri e ajchajil tinamit pa le b’anoj tzukunem rech uq’atexik b’anoj k’ax.
“Eri ya’el tob’anem ri’ are k’o nim upatan rech kab’an wari’, le k’uttijonem, rech kakik’is uwach tijonik chi ke reqa’lenel ri Wokajil Ajchajil Tinamit, pa le tijiob’alil ub’i’ Escuela rech Oficiales” xcha’.
Eri Reyes xuya’ ub’ixik che katajin ri b’anoj chomanem rech ri ya’el tob’anem chi rij ukojik no’jchakub’alil rech tzijob’elil, are rech kataqixik utz ub’anik ri chak kakib’an ri e ajchajinel pa le ya’olchajinik winaqilal, jacha’ ub’anik ri video rech ya’olchajinem pa we amaq’.
Aretaq xb’antaj ri nimachomanik ri’ k’o wa’katem b’inik xb’an pa le Escuelas rech Especialidades ri’, che ri xyak ruk’ ri pwaqil tob’anem xuya’ ri KOICA, rech xloq’ jun ri chokonsab’al rech kakoj chi’ xuquje’ rech kawok uwach juntir che ri qas rajawaxik kab’an ri’ rech kajaq b’a’ uwach ri’.