Eri q’atb’al tzij rech ri Ministerio rech Gobernación e are xkiya kib’i’ pa b’enam ri 63 rajilab’al kib’i ri Caravan rech ri Zorro 2024 ri’, ri xkimaj b’i kib’enam pa le Kilómetro Cero, chi uwach ri Nim Wokom Rachoch Amaq’ k’o pa nimatinamit. Pa le b’anonem ri’ xek’oji wiri’ ri Viceministra rech Seguridad, Claudia Palencia, xuquje’ ri Viceministro rech Tecnología rech ri Tzijolil, William Cameros, ruk’ ri rajtaqanel ri Departamento rech Tránsito rech ri Wokajil Ajchajil Tinamit (PNC). E are e ajilonel rech umajik b’i kib’e ri e ajpuq kejach’ich’ rech kakib’inisaj ri 222 kilómetros kab’e pa Esquipulas, Chiquimula ri’.
Pa le nim b’enam e k’o ri Eddy Villadeleón, K’amal B’e rech ri Caravana rech ri Zorro, xuquje’ ri patre José Luis Colmenares, Párroco rech ri Santuario Arquidiocesano rech ri Señor San José, ri xkitewtchi’j b’i ri ajkejach’ich’ xeb’e, xkiya b’i xeq’alon b’i chi kech rech pa jikomal kakimaj ri kib’e pa b’enam. Sib’alaj xkib’ij are wa’ man rech tijowchuq’ab’ kb’enam pa le Santo Cristo rech Esquipulas ri’.
Rumal ri’, eri Viceministra Palencia xub’ij b’i chi kech ri 85 mil chi e ajb’inisal kejach’ich’ rech kakinimaj che pa jikomal kib’e xuquje’ rech kakiriq ta k’ax pa nimab’e ri’. “K’o k’olib’al rech keto’ik xuquje’ chajinem chi ke ri e ajkejach’ich’, rumal ri’ k’o nim upatanib’al rech kajtob’an qonojel pa utzilem kib’i’ ri caravan ri’”, xcha’.
Eri Viceministro Cameros, pa el b’anonem ri’ xub’ij rajwaxik kiya’o iwanima’ ruk’ Qajawixel chi kaj. “Pa nojimal b’a kixb’e are wa’ man tijowchuq’ab’ taj. Are wa’ jun nimaq’ij rech kixopanik pa kub’alil xuquje’ pa joremal chi la’ ruk’ ri Cristo Negro rech Esquipulas”.
Eri Kamal B’e rech ri Departamento rech Tránsito, Jhonatan Hernández, sib’alaj xub’ij che rajwaxik suk’ kb’enam pa taq ri nimab’e xuquje’ e k’o ri ajkun e ajtob’anel e ilonel chi kech.