E wuqk’al lajuj chi winaqil e aj El Estor pa Izabal ri’, xkimol kib’ rech xkita’ pa joremal chi uwach ri Nimab’anob’al Taqanib’al pa Amaq’il ri’, che ri are utz kakil ri Korlim Ya’olchajinem ri’ xuquje’ xkita chi ke ri q’atb’al tzij rech kakiterenb’ej b’anoj ri korlim ya’olchajinem kuk’, xuquje’ xkib’ij k’ut che sib’alaj kakimaltyoxij wari’ chi re ri Ministerio rech Gobernación xuquje’ chi ke ri Wokajil Ajchajil Tinamit ri’.
“Eri Korlim Ya’olchajinem ri’, are la’ ukub’isam kuwach konojel ri winaqilal ri’, man itzelib’im ta kuwach ri’, e tzoqopital kewa’kat ri’, are wa’ maltyox che ri Ministerio rech Gobernación xuquje’ ch eri PNC, rumal k’ut sib’alaj oj chajim ri’, pa amaq’el ya’tal ri utzilem chaqe uj. “Xcha’ ri Francisco de León, aj winaqil chi la’ k’ut.
Eri tinamit aj Q’eqchi’ ri’ k’o chi la’, sib’alaj kakimal tyoxij che ri Taqamaq’ ri’, rumal ke’uchajij, jacha’ ri xkib’ij k’tu ri ixoqib’ e ajk’amol kib’e ri winaqilal ri’, we q’ij kamik kakina’o e k’o pa jun nim kub’sib’al k’u’x ri’ xuquje’ tajin kaketa’maj uwach ri ya’talil chi ke ri’ are la’ maltyox e k’o kuk’ ri PNC ri’.
Eri winaqil ri’ sib’alaj xkib’ij k’ut, che are kakaj qas pa joremal k’o ri kakich’o’jij ri’ xuquje’ man k’ot nimab’e kakiq’atij tane’ pa tinamit, rech man kakib’an ta k’ax chi ke ri winaqil kewa’katik, rumal ri’ sib’alaj tajin keq’axik ri ch’ich’ ri’ man k’ot q’atenik jun winaq xq’aten kech, are chi’ kimolom kib’ chi uwach ri Congreso rech pa Amaq’ilal ri’.