E k’o jun puq rech 24 chi reqa’lenelab’ ri División rech Puertos, Aeropuertos xuquje’ Puestos Fronterizos (Dipafront) xuquje’ ri División rech Seguridad Turística (Disetur) ri’, rech ri Wokajil Ajchajil Tinamit (PNC), xkib’ij pa le 13 rech octubre ri’ che ketajin che katijoxik kib’ che reta’maxik keb’ tz’ij ch’ab’al pa le rachoch ri Instituto Guatemalteco Americano (IGA), zona 4 rech pa nimatinamit ri’. Eri jachakub’al ri’ e are k’ut xecha’ik rumal e are qas ketzijob’en kuk’ ri turista internacional are chi’ kepe loq pa Iximulew ri’.
Eri tijonem ri’ are la’ uwach jun runimalil uwach k’o pa le Estrategia rech Transformación Policial ri’, rech kuya jun je’l tijob’enik chi ke ri e ajchajil tinamit, are la’ kujkowon che ub’anik rech pa ub’anik utzilem chi ke ri winaqilal, rumal ri’ eri keb’ jachakub’al rech ajchajil tinamit xetijoxik che reta’maxik jun chik tzij ch’ab’al pa waqib’ ik’ ri’. Pa jun chik kunab’ ri’ kamajtaj katijoxik che keb’ uwach tzij ch’ab’al e 200 chi eqa’lenelab’ ri’, xcha’ ri Ministro rech Gobernación, David Napoleón Barrientos ri’.
Pa ik’ mayo pa octubre rech pa junab’ ri’, eri reqa’lenel ri jachakub’al ri’ e are xetijox kumal ri e ajtijonelab’ kena’w che tijonem pa le jun chik tzij. Eri tijob’enik xya’taj chi ke are ruk’ pa wujil xuquje’ pa ub’ixik ri’, are jalajoj uwach xkib’an pa reta’maxik ri’.
Eri tijob’enik ri’ are qas k’o nim upatanib’al
Eri Ronaldo Luis Mayorga, reqa’lenel ri Disetur, xuya ub’ixik xumaltyoxij che ri taqawokajnel rech ya’olchajinem pa Amaq’ rumal xub’an ri tijonem rumal ri wokajil ajchajil tinamit xuquje’ rumal xuya chi ke ri keb’ jachakub’al rech yab’al kichuq’ab’ uch’ob’ik rech kech’aw pa keb’ tzij ch’ab’al ri’. Eri eta’manik ri’ k’o jun nimalaj upatanib’al ri’ rumal k’ut eri uj uj are uj nab’e xaqach’ob’ xaqeta’maj rech xujtzijon xujchoman kuk’ ri turista extranjero are chi’ ke’opan pa qatinamit, rech xek’oji chi’ xuqje’ xeb’e pa wa’katem pa taq rulewal uxulanib’al wa’katem ri’ k’o pa we Amaq’.
Pa le kopan ri’ pa le katijoxik ri’ k’o k’i uwach chak taqkil xkib’an ri’ rech xkoj pa jun revista digital pa le tzij ch’ab’al ri’, rech taqim kano’jaxik ri turista internacional chi rij taq ri k’olib’al wa’katem ke’opan wiri’, rech reta’maxik ri jastaq katijik pa qatinamit, rech kakich’ob’ unimaxik retal taqanik are kek’oji chi’, rech kakich’ob’o ri k’olib’al kub’sib’al ri’ xuquje’ rech kakich’ob’ we k’o q’aq’, we ko tew ri’, rech kakiriq kek’oji pa we qatinamit, xcha’ ri Hyron Salazar, reqa’lenel ri Dipafront.