Pa le tinamti rech La Unión, pa tinamit rech Zacapa, pa jun komonchak pa taqawokajil kuk’ ri cuerpo rech socorro, ri q’atb’altzij, jeri’ ri winaqil rech chi la’ pa puqilem ketajin che katzukuxik xuaquje’ kito’ik ri winaqil xkiriq k’ax rumal ri kaqiq’ jab’ Iota.
Eri q’atb’altzij rech ajchajil tinamit pa katerenb’exik jun b’iw ub’ixik pa ch’a’wib’al xtotaj kumal, ri xya’ wi loq ub’ixik che pa le aldea Pacayalito, chi’ keriqitaj wi e oxib’ winaq xemuqutaj pa juyub’ ri’, rumal ri’ eri reqa’lenel ri Wokajil Ajchajil Tinamit xkimaj k’ut katzukuxik ri’ xuquje’ rech xkito’o pa aninaqil ri winaqi xkiriq k’ax chi’.
Pa San Juan Chamelco, Alta verapaz, eri reqa’lenel ri ajchajil tinamit tajin kakiterenb’ej rilik ri rok’owik ri nimaja’ kok’ow pa le tinamit ri’ xuquje’ rech kakilo jawchi’ e k’o wi k’olib’em che ri tajin kakiriq k’ax ri’, pa amaq’el pa aninaqil k’ut rajwaxik keto’ ri winaqil chi’.
Xuquje’ pa Baja Verapaz ri’, eri reqa’lenel ri PNC tajin kakito’o ri winaqilal pa taq kachoch ri’ rech kakesaj chi’ rumal ri nimaja’ sib’alaj xnimar chi’ xuquje’ xok’ow chi rij taq le ja k’olib’al chi’.