Eri Tijob’al ub’i’ Escuela rech Estudios Penitenciarios (EEP), rech ri K’amoj ub’e ri Wokajil Japache’ (DGSSP), katajin che b’anoj k’uttijonem ri’, k’uttijonik, b’anoj tijob’enik, tijonik, tzijob’enik ri’, pa le ub’anikil uwachwuj ri’, rumal b’a’ q’alom ub’anik tijonem pa taq tijob’al ri’ are wa’ rumal k’o katajin ri jun itzel yab’il rech ri coronavirus COVID-19 ri’.
Eri q’atb’altzij rech ri EEP ri’ kiya’om kanima’ che ri b’anoj tijonem ri’ xuquje’ rech ya’el uchuq’ab’ ri ub’anikil kichak ri rajchajinel ri japache’ ri’, kanatab’im ta uwach ri b’anoj utzil pa le kichak ketajin wi ri e ajchajinel ri japache’, xuquje’ pa taq le q’ij rech ri jun itzel yab’il ri’, eri tijob’al Escuelas Penitenciaria are ukojom wa’ ri uwachwuj pa k’amq’aq’nil, jacha’ ri taq ri plataformas rech ri Zoom, WhatsApp, Facebook xuquje’ ri utaqoxa’nib’al pa uwachwuj pa k’amq’aq’nil ri’.
Rumal wari’ xk’is uya’ik ri b’anoj ri tijob’enik rech Ya’talil Winaqilal pa le K’ak’ Taqanem pa Japache’, man ruk’ ta ch’ojinik uchomaxik uq’atexik ri itzelal k’axk’olil ri’, ruk’ nuk’uchomaxik rech uq’atexik ri uk’istajik kanima’ ri winaqil e tz’apilik xuquje’ ruk’ b’anoj utzil le chak pa le japache’, jas le uch’ob’ik aretaq kakam tane’ le jun achalal ri’, jas le kakib’an ri winaq ri’, jas le ub’anikil kab’anik rech kiq’atexik ri jun itzel yab’il COVID-19 ri’ rech ukojik rb’a’ ri jastaq ri kub’an ta k’ax che ri uwachulew ri’ xukquje’ ri upatan ri b’anoj chak pa molajil, rech ukojik ri ub’anikil nimanik rech kub’sib’al k’u’x ri’.
Eri Dirección rech ri EEP, xuya’ ub’ixik che pa we ukojik ri k’ak’ taq chakub’al ri’ pa le uwachwujil pa k’amq’aq’nil, ruk’ wa’ are kaya’ uchuq’ab’ kichak xuquje’ keta’mab’alil konojel ri e ajchak ri’.