Pa le uk’ulik unimaq’ij ri 199 ujunab’ le Ixim Nimatinamit ri’, we kamik pa le Ministerio rech Gobernación, eri reqa’lenelri Subdirección General rech Q’atunik b’anoj k’ax ri’ rech ri Wokajil Ajchajil Tinamit xuquje’ reqa’lenel ri Q’ojom Kayb’il B’alam, k’o jun unimaq’ij amaq’il xkib’ano pa le xkiq’ansaj wi ri Ulakam Amaq’ Nimatinamit ri’ pa le reqa’lenik ri Banda Marcial rech ri PNC.
Eri taqanel pa uwi’ ri Escuelas Seguras rech PNC, Priscila Herrera, xutzijob’ej che xaq pa amaq’il kamik xkimaj usuk’umaxik ri k’olib’al rech kab’an wi ri unimaq’ij amaq’ ri’ pa le k’o wi ri Palmeras chi uwach ri Ministerio rech Gobernación, chi’ k’ut xaq’ansax wi ri Lakam Amaq’ kumal rajchajinel ri taqawokajnem e achb’ilam kumal ri Banda Marcial.
“Kaqak’ul uwach ri 199 ujunab’ rech ralaxib’al we Amaq’il Ixim Qatinamit ri’ rumal ri’ xchomaxik kab’an wa’ we unimaq’ij ri’. Rumal k’u ri’ maqasach kanoq we ub’anik le unimaq’ij ri’, rajawaxik b’a’ kaqaterenb’ej utzijob’exik wari’ chi ke ri qajk’uwal jeri’ chi ke ri qachalalil rajawaxik kaqaloq’oq’ej we amaq’ ri’”, xcha’ ri Herrera.
Eri Q’ojom Kayb’il B’alam ri’, xuq’ojoman chi ke ri winaqil xe’ok’ow b’i chi’ ruk’ taq je’alil taq b’ix xuq’ojomisaj ri’.
Eri nimaq’ij rech na’tajib’al ralaxib’al amaq’ ri’ are wa’ xb’antaj pa taq le 22 chi comisarías e k’o pa we amaq’ xuquje’ pa le Dirección General rech ri Wokajil Ajchajil Tinamit ri’.