Are taqim uterenb’exik upatanixik ri cholchak rech ya’el uchuq’ab’ wokajil ri’, rumal ri’ eri q’atb’al tzij rech ri Subdirección General rech Q’alanem Q’atenik ri’ rech ri Wokajil Ajchajil Tinamit (PNC), xkijach k’ut Wujilal rech Ub’e’al Cholchak rech Q’alanem Q’atenik k’a ri’ pa taq ri subdirecciones xuquje’ direcciones rech ajchajil tinamit ri’, rech kekowon che upatanixik ri riqb’al ib’ kuk’ ri winaqil rech kechoman chi rij ri b’iw ub’ixik loq kumal ri winaqilal ri’.
Eri Carol Castro, rech ri Unidad rech Género rech PNC, xub’ij k’ut che ri e’ajchajil tinamit ri’ rajwaxik ri’ eri keta’max utzijolil ri cholchak rech kab’an pa we junab’ ri’ rech kakub’isax uwach jun b’anoj upatanixik ri’ jacha ri rajwaxik chi ke ri winaqilal ri’.
Eri ub’e’al cholchak ri’ are la’ kuya’ uchuq’ab’ ri ya’ltzijolil rech uq’atexik ri b’anoj k’ax pa kachoch winaq ri’, chi ke ri ixoqib’, chi ke ri ak’alab’ xuquje’ e q’apojil ri’, jeri’ rech kaya’ uchuq’ab’ ri b’iw ub’ixik kumal ri winaqil ri’ rech kaya’ ri kub’sib’al k’u’x chi kuwach ri winaqilal kuk’ ri wokajil ajchajil tinamit ri’.