Pa le 18 rech junio petina ri’ kab’an ri carrera 5K “Yo Vivo Sin Drogas, Tú Decides” xtaq ub’anik rumal ri Subdirección General rech Prevención rech ri Delito (SGPD) rech ri Wokajil Ajchajil Tinamit (PNC) rech taqim uwa’lijsaxik uwach ri utzilaj k’aslemalil xuquje’ rech kepixb’ax ri winaq rech kakilo kakich’ob’ ri k’ax kuya ri tijow Itzel kunab’alil ri’.
Eri nimalaj relik b’i pa wuqub’ (7:00) kajb’al rech saqarib’al pa le Parque Erick Barrondo, zona 7 rech uk’u’x nimatinamit. Eri ke’opan chi’ rech keb’e pa xik’anme jo’ob’ chi kiloemtros ri’ ri kak’ix pa le Rachoch ri Dirección General rech ri PNC, k’o pa le zona 1 rech uk’u’x nimatinamit Iximulew.
Eri tijowanim ri’ are kumal ri taq ak’alab’, ab’om, alitom, ri’j winaq xuquje’ kuk’ ri k’ax kich’akul e alaxinaq. Are ke’eyex ke’opan e k’i taq ajtijowanim ri’ ruk’ wa’ k’o jun k’amoj ib’ k’amq’ab’ chi kuwach kuk’ ri tinamit xuquje’ wokajil ajchajil tinamit.
Eri k’olib’al ub’i’ kit k’o ri’ ri jastaq chokonsab’al ruk’ ri sipan na’tib’al kaya chi ke ri ajtijowanim ri kajach ri’ ruk’ ri atz’iyaqb’al pa le 15ª avenida 2-95, Barrio La Parroquia, zona 6 uk’u’x nimatinamit ri’.
Jachin karaj kuta ub’ixik ucholaj rech kutz’ib’aj rib’ ruk’ ri rajwaxik pa le b’anoj tijowanim ri’, jachin b’a karaj chuta’o utzijolil pa le ch’aweb’al 5364-4153 xuquje’ pa chtzukuj utzijolil pa le sitios oficiales uwachwuj pa kaqiq’ b’ixik rech ri wokajil ajchajil tinamit.
Chinaq kakaj k’ut chakitz’ib’aj kib’i’ man tojom taj pa le uwachwuj pa kaqiq’ link ri’: