Eri q’atb’al tij rech ri Mingob xuquje’ rajtaqanelab’ ri PNC ketajin uya’ik uchuq’ab’ ri ya’olchajinem winaqil ri’. Rech taqim uya’ik kichakub’al xuquje’ rech are kakikoj ri reqa’lenel ri comisarías xuquje’ ri unidades especializada rech ri Wokajil Ajchajil Tinamit (PNC), k’o ri cholchak rech keloq’ik jo’q’o’ chi kejach’ich’ pa we junab’ ri’. Are la’ chomatal chik pa le Runimal Cholchak rech Yakon Ja xuquje’ rech Keloq’ ri Ch’ich’ rech ri Ub’eyal ri B’anoj Transformación Policial ri’ (ETP), ri taqim uchakuxik rumal ri K’amal B’e Amaq’ Iximulew pa reqele’n ri Ministerio rech Gobernación (Mingob).
“Rumal k’ut eri ajchajinelab’ e aj iximulew e k’o pa le atz’iyaqb’al ri’, rech chi paq’ij chi chaq’ab’ e k’o pa chajinem winaqil pa tinamit”.
Ri Ministro rech Gobernación xuya ub’ixik
Pa taq we ik’ petinaq ri’ eri q’atb’al Tzij xkicholajisaj uloq’ik xuquje’ ujachik ri k’ak’ kejach’ich’, are ri’ kakijacho pa taq ri k’olib’em qas kakúlmataj wi ri b’anoj k’ax ri’ are la’ ri qas kilom chik jawchi’ qas rajwaxik kakitaq e jun wokaj chik ajchajinelab’. Eri kejach’ich’ pa ronojel k’o 1 mil ri’ ri xkoj kumal ri wokaj ajchajin tinamit pa 2022.
Xuquje’ are la’ xtoq’ixik rech keloq’ik ri ch’ich’ patrullas ub’anik picop ri’. Are wa’ jun nim chomanik tajin ub’anik xuquje’ tajin uchomaxik pa le puqchajinem ri k’o uchomaxik pa le Nimcholchak rech K’amal B’e Amaq’il 2020-2024 xuquje’ k’o pa le uwach ri Cholchak rech Upatan ri Taqawokajnem pa 2023 ri’, rech kukub’isaj b’anoj utzilem chajinik chech ri kik’aslemalil ri winaqil pa juntir ruk’ ri kijastaq meb’ilem ri’.
Xuquje’ rajwaxik b’a’ kaya utzijol ub’ixik che ri wokajil ajchajil tinamit sib’alaj ketajin che kaq’atexik ri nuk’wokaj b’anol k’ax ri’ pa taq amaq’il pa uwachulew xuquje’ kuk’ ri narcotráfico ri’, rumal ri’ sib’alaj tajin ub’anik ri chajinem q’atenik b’anoj ri k’ax pa taq k’olib’alil che ri qas kak’ulmataj wi ri k’ax pa qatinamit, rech taqim utz uq’atexik ri e ajb’anol taq k’ax ri’, rech uriqik uporoxik ri tiko’n awan kunab’alil, rech uriqik awan kunab’al, rech kechapik ri e ajb’anol k’ax chi rij, rech uriqik ri k’aqb’alil xuquje’ ri ch’ich’ che e eleq’am b’i, ruk’ nik’aj chik b’anoj k’ax ri’.
Ri ch’ich’ xeriqitajik
Pa le k’uttijonem tajin rumal ri Departamento rech Material Móvil (DMM) rech ri Subdirección General rech Apoyo xuquje’ Logística (SGAL) ri’ rech ri PNC, k’o pa zona 6 uk’u’x nimatinamit, chi la’ k’ut k’o wi ri chakub’alil ri rajwaxik kesuk’umaxik xuquje’ ri kejach’ich’ xuquje’ ri ch’ich’ autopatrullas che ri ub’anom k’ax ri’.
Pa taq le b’anoj chak rech xesuk’umax kuaml ri reqa’lenel ri Sección rech Mecánica rech Vehículos Policiales, rech ri nab’e q’ij rech 2022 pa le 24 rech mayo rech we junab’ ri’, e suk’ub’am chik e 158 chi picops, 27 chi kejach’ich’ xuquje’ jun microbús rech chajinem. Kumaj jo’lajuj q’ij rech kesuk’umax ri’, rech kakoj juntir upam taq xuquje’ rech kakunax kiuj ri’, rech e utz chik ketzalij chik pa taq sedes e taqom wiri’.
Pa ronojel e k’o jo’q’o’ chi kejach’ich’ keloq’ na pa junab’ ri’.