Eri K’amal B’e nimatinamit Iximulew pa reqele’n ri Ministerio rech Gobernación (Mingob) xuya pa k’utem ri Cholchak B’anoj nimatijonem rech ri Wokajil Ajchajil Tinamit (PNC), ri taqom ukojik b’ixik pa le Acuerdo Gubernativo 102-2023, ri xya utzijolixik pa 24 rech mayo pa le Diario rech Centro América (DCA) ri’. Ri are la’ katob’anik chech uya’ik uchuq’ab’ runimal Cholchak Tijonem xuquje’ pa Taqawokajilal xuquje’ Wokaj Ub’eyal ri Transformación Policial ri’.
Eri nimpatanel rech ri Taqawokaj Ya’olchajinem pa Amaq’ xub’ij che we Runimal ri B’anoj Tijonem Ajchajil Tinamit are la’ kuq’at uwach ri b’anoj tijob’enik ri’, ri k’uttijonem rech kapaqib’ keqale’n, keta’mab’al xuquje’ katijoxik rech chajin tinamit”, xcha’ ri patanel ri’.
“K’o nim upatanib’al rajwaxik kaya ub’ixik che ri k’ak’ ub’eyal k’ak’ tijonem ri’ kab’an pa rachoch taq tijob’al rech ajchajil tinamit, chi’ k’ut kuk’iso wi uwach pa le Centro Universitario Policial ri’, uwach ri’ ri Runimal B’anoj Tijonem ri’ pa le kachakux wi ri b’anoj tijob’enik pa jun b’anoj chomanik xb’an ruk’ ri Universidad rech San Carlos rech Guatemala (Usac), rech kakoj ri nimatijob’enik ri’. Xuquje’ rech ronojel ri b’anonem tijonem ri’ ya’tal jun kiwujilal rech pa nimatijob’al ri’, rech ya’tal kiwujilal, rech técnicos universitarios, rech licenciaturas, rech maestrías xuquje’ rech doctorados”, xcha’ ri Ministro rech Gobernación ri’.
Are la’ runimal uwach ri k’exnem xb’an pa le Wokaj Tijonem rech Chajin Tinamit, ri k’o chi upam le q’atanem rech ri Curso Básico rech Ktijob’exik ri Ajchajil Tinamit ri are kanajtib’ qaraj jun junab’ ri’.
Xuquje’ eri Curso Básico rech Formación ewxg Oficial Tercero rech Ajchajin Tinamit, chi kech ri reqa’lenel ri Escala Básica xuquje’ Civiles, rech ya’tal pa oxib’ junab’.
Xuquje’ eri reqa’lenel chajin tiamit ya’tal chi kech rech we kakaj ke’ok pa jun Curso rech Capacitación rech ke’ok chech Subinspector, Inspector, Oficial Segundo, Oficial Primero, Subcomisario, Comisario xuquje’ chech Comisario General ri’, rajwaxik keb’ junab’ chik ketajin pa le keqale’n ri’. Jeri’ rajwaxik kakoj wari’ pa le Sistema rech Planificación Educativo xuquje’ rech ketijoxik ri e ajtijonel ri’, jeri’ pa le ya’ik uchuq’ab’ rech ri k’ub’sib’al k’u’x ri’ xuquje’ rech taq ri tijonem pa taq tinamit naj pa uwachulew ri’.