Pa le nimaja rech riqb’al ib’ kumal ri kechakun ta chik rech ri Wokajil Ajchajil Tinamit (PNC), zona 6 rech uk’u’x nimatinamit, xek’oj pa jun riqoj chomanem rech kek’oji ri winaqil ri’, ri nimanem xuquje’ riqoj ib’ kumal ri wokajil ajchajil tiunami xuquje’ kumal ri winaqib’ rech taq juyub’ tinamit rech rulewal qatinamit. Eri riqoj ib’ rech na’tinik are jun nimaq’ij kab’an pa 21 rech mayo rumal ri Organización rech ri Naciones Unidas rech ri Tijonem, ri Eta’mab’alil xuquje’ rech ri Cultura (UNESCO) ri’.
Eri Comisionado Nacional rech ri Comisión Presidencial Ajq’atenel ri Kixutuxik Koqataxik Kuwach Winaqib’ xuquje’ jeri’ chi kech ri Winaqib’ Tinamit rech Iximulew (CODISRA) ri’, xuya ub’ixik ri upatanib’al kub’an ri’ pa le wa’lijsab’al uwach k’ib’antajil tinamit pa we amaq’il. “eri b’anoj riqonem winaqib’ ri’ rech kaya ub’ixik kumnal ri winaqil ri k’ax kab’an ri’, rumal k’ut kapaqab’ uwach kakub’ kik’u’x chi kech ri wokaj ajchajil tinamit”, xcha’.
Rumal ri’, eri Taqanel rech ri Departamento rech Multiculturalidad rech ri Subdirección General rech Prevención rech ri K’ax (SGPD) xub’ij che pa le b’anoj chakunem ri’ are rech kaya uchuq’ab’ ri q’alan ib’ rech maj jun kub’an k’ax xuquje’ rech sib’alaj ketob’anik pa le nimab’a uwach k’iyab’antajil tinamit, rumal k’ut eri uwach ri Iximulew e k’o k’i kuwach tinamit, k’i kuwach b’antajil xuquje’ k’o k’i uwach kitzij kich’ab’al ri’.
Rech b’a’ man kachup ta uwach ri no’jib’alil winaqib’ tinamit e aj iximulew, eri rajtijonelab’ ri rachoch tijob’al ub’i’ Escuela Oficial Urbana Mixta JM, Daniel Armas rech Santa Catarina Ixtahuacán, Sololá; rech ri ub’i’ Escuela Oficial 15 rech Septiembre rech Puerto Barrios, Izabal ri’; rech ri ub’i’ Escuela Oficial Urbana Mixta, José Felipe Flores rech ri colonia Mariscal, zona 11 rech Mixco, Guatemala; jeri ri rajchakunel ri Oficina Municipal rech ri Dirección kech Chuarrancho, xkib’an jun k’utub’alil rech chi rij b’anoj xajowinik rech qatinamit.