Pa 30 rech abril, pa le Nima Rachoch ri K’amoj Ub’e ri Wokajil Ajchajil tinamit (PNC) xb’an wi ri honras fúnebres rech ri eqa’lenel Eder Adelso Escobar Hernández, 26 ujunab’, ri xkamisaj paq’ij rech lunes kanoq are chi’ tajin che chajinem. Eri eqa’lenel ri xk’aqik are chi’ xe’uq’atij nik’aj elaq’omab’ xkeleq’aj ri pwaq pa jun b’insal ch’ich’ rech b’i pwaq, pa le colonia Quinta Samayoa, zona 7. Pa le q’ij ri’, are chi’ xb’an ri honras fúnebres, eri q’atb’al tzij rech ri Ministerio rech Gobernación kuk’ ri rech Wokajil Ajchajil Tinamit sib’alaj xkib’ij “che kakichap ri’ nik’aj xkib’an ri elaq’ kamisanik ri’”.
Pa le b’anonem ri’ xopan wi ri Viceministro rech Antinarcóticos, Werner Ovalle; ri K’amal B’e rech ri PNC, David Custodio Boteo, ri Subdirector Adjunto, Helbert Beltetón xuquje’ ri rajtaqanel taq ri wokaj chajin tinamit. Eri Viceministro Ovalle xkub’isaj ub’ixik che ri rachalal ri eqa’lenel xkamik sib’alaj kakito’o ruk’ taq ri rajwaxik pa kik’aslemal. Rumal ri’, eri K’amal B’e ri’ xub’ij che katanab’ax taj katzukuxik nik’aj xkikamisaj ri eqa’lenel Escobar Hernández ri’.
Eri Tereso De Jesús Oliva, uch’itat q’atz a Escobar Hernández xub’ij: “Pa uq’ab’ ri Qatat chikaj kinya wi ri k’ax ri’ chi ke ri q’atb’al tzij xub’ij kib’ana toq’ob’ kchapa b’a’ nik’aj ri xkib’an ri kamisanik. Ri nuchaq’ are jun utzalaj winaq ri are”. Ri Are kamuqik pa le tinamit rech Mataquescuintla, Jalapa.