Eri Wujilal rech Chomab’al Tob’anem (MdE) xjuch’ pa le kajib’ q’ij rech abril kanoq, rumal ri Ministerio rech Gobernación rech Iximulew ruk’ ri Ministerio rech Defensa Nacional rech Colombia are jun chomanem nim upatan rech b’anoj chajinem kumal ri keb’ nimatinamit. Eri jun b’anoj chomanem ri’ chi upam xq’at wi ri jun b’anonem tob’anik rech no’jib’al-chajinem xuquje’ rech kab’an ri komonchak jacha kub’ij ri taqanem rech jujun nimatinamit. Are xjuch’ pa jun ub’ik ri Ministro rech Gobernación Francisco Jim´nez, pa le nimatinamit colombiana.
Eri wujilal chi upam kub’ij wi rech q’axeb’al ri sak’ajil tzijol chi kuwach ri q’atb’al tzij e aj iximulew kuk’ ri q’atb’al tzij colombiana rech q’atenik awan kunab’al xuquje’ nik’aj molaj b’anol k’ax pa le keb’ nimatinamit ri’, ri q’axenik k’aqb’alil maj pa usaqil kak’ayixik, ruk’ ri poq’sab’al ri’. Xuquje’ rech kuwa’lijsax uwach ri chomanem chi kuwach ri keb’ nimatinamit ri’ rech ketijoxik ri reqa’lenel chajin tinamit rech ri keb’ nimatinamit ri’.
Eri Ministro Jiménez, xub’ij che ri wujilal xuch’ik are la’ katob’anik che uno’jixik ri utzalaj q’atenik kumal ri wokajil achajil tinamit, rech kaya uchuq’ab’ ub’anik ri kichak ri ajchajinelab’.
Xuquje’ eri taqawokajnel xub’ij eri wujilal ri’ chi upam kub’ij wi ri utz b’anoj chajinem kab’an pa le cholchak ub’i’ Plan Acción Conjunta rech Seguridad Regional (USCAP, pa inglés) rech ri Estados Unidos rech América chi rij taq ri uwach chomanem rech investigación criminal, rech q’atenik awan kunab’al xuquje’ rech b’anoj sak’ajil chajinem.
Rumal ri’, eri Taqawokajnel rech Defensa Nacional rech Colombia, Iván Velásquez xub’ij eri ropanik ri Ministro Jménez pa le utinamit sudamericano ri’ are majib’al ri chomanem tob’anik chajimem pa le keb’ nimatinamit ri’, rech kaq’atexik ri molaj e b’anol k’ax pa taq ri nimatinamit ri’.
Eri jun komon tob’anem ri’ are kuk’ut uwach ri eqele’nchak tajin kumal ri K’amal B’e Iximulew xuquje’ Colombia rech b’anoj utz chajinem, rech kab’an jikom taqanem pa tinamit rech kaq’atexik ri k’axk’olil pa le keb’ nimatinamit ri’. Xuquje’ rech kuq’alajisaj uwach ri komon chomanem tob’anik rech b’anoj tijonem xuquje’ rech kakik’am k’ak’ keta’mab’alil ri wokajil e ajchajil tinamit rech q’atenik molaj b’anol k’ax ruk’ nik’aj chik pa le keb’ nimatinamit ri’.