Eri q’atb’al tzij rech ri Sistema Penitenciario (SP) xuquje’ ri uq’atb’al tzij ri Secretaría rech Bienestar Social (SBS), xkijaq b’i uwach uchak ri Cholchak rech tijonem xuquje’ rech b’anoj uchakuxik ri K’ak’ Taqanem pa Japache’ ri’ xuquje’ ri K’ak’ Kipatanaxik e K’ajolab’, pa le jun patan ri’ chi rij wari’ ketijoxik ri rajchaj ri keb’ wokajilal ri’.
We cholchak ri’ k’o kajib’ uwach tijonik kab’an ri’, are rech tzijob’enik ch’ob’oj kich’akul kaminaqib’; rech ch’ob’oj rech choman q’atel k’ax ch’o’jinik; rech ch’ob’oj rilik kib’antajil e ajb’anol k’ax; rech ch’ob’oj utz’ib’axik ri ub’ixikil rech japache’, xuquje’ ruk’ wa’ are rech ya’b’al uchuq’ab’ ri chak kab’an ri’, rech ch’ob’oj kasuk’ub’axik ri winaq e tz’apilik pa achijaqb’ e k’ajolab’ ri’.
Eri b’anoj tijonem ri’ are ya’tal ri’ kumal rajtijonelab’ ri Centro Regional rech Estudios rech Suk’ub’anem xuquje’ rech Taqanib’alil, k’o tijonem kab’an pa uwachwuj k’amq’aq’nil chi ke e waqk’al (120) rajchak ri Taqawokajil Japache’ ri’.
Eri Eliot Palma, k’amal b’e rech ri K’ak’ Taqanem rech Upatanaxik Japache’ ri’, xub’ij che ri ch’ob’otal chak ri’ ya’tal utob’anik ri Sección rech Asuntos Antinarcóticos xuquje’ Aplicación rech ri Taqanem (INL), xuquje’ katob’anik rech ya’b’al uchuq’ab’ ri ch’ob’oj keta’mab’al ri rajchak ri japache’ tz’apib’al ri’.
“ruk’ wari’ ya’tal uchuq’ab’ kich’ob’oj keta’mab’al ri rajchak ri K’ak’ Taqanem rech Upatanaxik Japache’, rumal k’ut are la’ jun chi ke uwa’lib’al ri k’ak’ b’anoj tijonem ri’ xuquje’ eri ub’anik utz chech ri’ are katerenb’ex ri’” xcha’ ri Palma.
