Eri Ministerio rech Gobernación (Mingob), pa komonchak ruk’ ri Wokajil Ajchajil Tinamit (PNC) xetaqon chi ke ri reqa’lenelab’ ri Subdirección General rech Prevención rech ri Delito (SGPD), pa le nab’e q’ij rech enero pa le kajib’ q’ij rech febrero ri’ k’o 2 mil 889 chi solinik xkib’an ri’ rech xkinimaj uwach ri cholchak rech Prevención Escolar, rech Comunitario, rech K’uttijonik ri’.
Eri q’atb’al tzij rech ri SGPD xkib’ij che ruk’ ri b’anoj solinik chajinem ri’ are xkib’an nim utzilem chi ke e 27 mil 537 chi winaqil e aj iximulew.
Pa le tzukunik b’anom kumal ri e ajchajil tinamit rech xkinimaj uwach ri b’anowem, ri chomanem b’anom kuk’ ri rech tijonem, kuk’ ri tinamit xuquje’ rech b’anoj etz’enemb’al pa junamil achk’ulaj pa jikomal ki’kotem kuk’ ri winaqil ri’; rech xjaq uwach b’anoj taq etz’anemb’al, rech je’lb’anowem xuiquje’ choletz’anem, rech taqim ruk’ wari’ ri q’atenik b’anoj k’ax ri’, xuquje’ rech xekoj che pa taqkil ri ajchomanelab’ rech taq e ajtijoxel rech uq’atexik b’anoj ch’a’ojinik pa tinamit.
Xuquje’, xb’antaj k’uttijonem rech b’anoj taq taqkil xuquje’ rech pixab’nik chi rij q’atenik b’anoj k’ax, rech xetijoxik xepixb’axik ri winaqilal xuquje’ pa taq rachoch tijonem rech q’atexik ri b’anoj k’ax chi ke taq ri alitomab’ xuquje’ ixoqib’. Jeri’ xetijoxik ri alitomab’ rech kakik’amsaj rech k’o b’iw ub’ixik kumal rech q’atenik k’ax.
Xuquje’ xetzijob’exik xetijoxik chi rij q’atenik taq toq’inik pwaq ri’.
Eri b’iw ub’ixik rumal ri SGPD ri’ rech xuya utzijoxik che e k’i taq winaq xek’uttijoxik chi rij kina’ojixik rech kakik’amsaj che kib’ rech kakib’ij utzijol taq, jaw chi’ katij wi kak’ayix wi awan kunb’al, ri utziijol taq k’aqb’alil xuquje’ rech q’atenik uwach taq b’anoj ch’a’ojil b’anoj k’ax kamisanik. K’o ri’ 2 mil 400 chi puqchajinem tzukunik b’anom ri’ rech q’atenik k’ax pa le upatanexik ri Escuelas Seguras ri’, k’o 6 mil 536 chi reqa’lenel ri Subdirección ri’ xek’uttijoxik chi rij q’alan ib’ rech maj b’anoj k’ax ri’.