Pa le unimaxik ri xutaq loq ub’ixik rumal ri k’amal b’e amaq’ rech pa le uq’atexik ri jun itzel yab’il rech ri Coronavirus COVID-19, eri Ministerio rech Gobernación pa le upatanik ri Wokajil Ajchajil Tinamit (PNC) k’o k’i b’anoj tzukunem katajiin pa we amaq’ ri’.
Are wa’ rech ub’anik chi ke ri winaqil pa qatinamit kakinimaj ri ub’anikil ri Estado rech Calamidad Pública, jacha’ ri kub’ij ri decreto 8 xuquje’ 9 rech ri Congreso rech pa Amaq’ilal.
Chi ke uwach ri xtaq unimaxik pa we amaq’ ri’ are maj jun winaq kawa’katik pale toque de queda, ri k’o che kuk’ex rib’ kewa’kat winaq ri’ rumal e k’o k’i winaq keyab’inik rumal ri COVID-19 pa we amaq’.
pa le b’anoj ya’olchajinik kumal ri PNC pa we amaq’, k’o 41 mil 659 chi winaqil e chapom chik, e k’o 38 mil 903 chi achijab’ xuquje’ 2 mil 756 chi ixoqib’ ri’.
Eri jun b’anoj k’ax kumal ri winaq e chapom are tijoj tzam kumal, rumal ri’ e k’o 25 mil 452 chi winaqil rumal e q’ab’arinaq xechap loq.
Pa taq le rachoch ajchajil tinamit che ri qas e k’i winaq e chapom wiri’ pa le estado de calamidad are: pa le Comisaría 31 rech ri tinamit Escuintla, ruk’ 3,109 ri’; pa comisaría 51 rech Cobán, Alta Verapaz, ruk’ 2 mil 783 chi winaqil e chapom ri’ xuquje’ pa le comisaría 43 rech Chinab’jul, e k’o 2 mil 447 winaq e chapom ri’.
Eri rachoch ajchajil tinamit pa nimatinamit ri’, pa le comisaría 12, e uchapom chik 1 mil 986 chi winaqil ri’; pa comisaría 14, e k’o 1 mil 941 chi winaqil e uchapom chik; pa comisaría 11 e k’o 1 mil 574 chi winaqil e uchapom chik.
Eri winaqil e chapom ri’ are pa le waqib’ xuquje’ pa b’elejeb’ kajb’alil rech chaq’ab’ ri’, are chi’ e k’o 550 chi q’apoj winaq e uchapom chik ri e utaqom b’i pa Q’atb’altzij kech Ak’alab’ e nimanel taj.