Eri q’atb’al tzij rech ri Sección rech Centro rech Llamadas 110 rech ri Wokajil Ajchajil Tinamit (PNC) xkiya utzijolil che pa ik’ enero k’a pawe q’ij kamik k’o 631 mil 140 b’iw ub’ixik loq kumal ri winaqil rech xkiya loq utzijol ri k’ax kab’an pa taq ri tinamit.

Eri rajilab’al ri tzijol, kuq’alajisaj che pa nab’e ik’ (enero) k’o 178 mil 461 sik’inem b’iw b’ixik xuk’ul apanoq; pa le ukab’ ik’ (febrero), k’o 168 mil 441 xuk’ul ri’; pa urox ik’ (marzo), k’o 166 mil 629 sik’inem ub’ixik xuk’ul apanoq, pa le nab’e juk’al (20) q’ij rech ukaj ik’ (abril) xk’ul 117 mil 609 sik’inib’al b’iw b’ixik uloq.

Eri jujun sik’inib’al b’iw b’ixik okinaq loq kumal ri winaqil are e chomam kumal ri e ajchajinel tinamit, ri sib’alaj keta’m rech kakik’am kuk’ ri b’iw b’ixik rech kakiya jun ub’ixik chi ke ri winaq jas ri kakib’ano rech uq’atexik ri k’ax.

Xuquje’, eri q’atb’al tzij xkiya ub’ixik che tajin pa aniinaqil ri kamomchak kumal ri ri puq sak’ajil reqa’lenel ri PNC rech uq’atexik ri b’anoj k’ax kumal nik’aj itzelalaj taq b’anol k’ax.