Eri nab’re riqob’al ib’ ub’i’ “Tajin Utoq’axik Ukojik Ucholchak ri Taqawokaj Amaq’ pa Kaqiq’”, wokom ub’anik rumal ri Comisión Presidencial rech Gobierno Abierto xuquje’ Electrónico (GAE) pa b’anoj tob’anem ruk’ ri Programa rech ri Naciones Unidas rech ri Desarrollo (PNUD), ri Ch’ob’otal Chak ub’i’ Guatemala No Se Detiene, xuquje’ ri Asociación Civil Red Ciudadana, utaqim uk’exik uwach xuquje’ rech kub’an pa utzilem utiqik ri ilonb’al chak pa tinamit, pa ub’anik utzil chi ke ri winaqil tinamit e aj iximulew. Ri riqon ib’ are xk’am ub’e ub’anik rmal ri K’amal B’e rech ri Amaq’il, Bernardoi Arévvalo.
Eri Ministro rech Gobernación, Francisco Jiménez xuya ub’ixik che ri ya’el ub’ixik uwachib’al ri tzijol pa kaqiq’ ub’i’ “Info Segura”, are jun chakub’alil tecnológica rech kakojik rech k’ax ta utaqik b’i ri tzijol pa kaqiq’ ri’ chi rij ub’ixik ri ya’olchajinem pa tinamit. Xuquje’ eri nimatat Jiménez xuya ub’ixik ucholajil eri tob’chakub’al ri’ are kuq’axe’j ub’ixik ri tzijol chi ke ri winaqil pa tinamit chi rij ub’anik taq ri chajinem kab’an pa taq ti uq’ab’ tinamit pa rulewal ri nimatinamit.
Xuquje eri taqawokajnel rech ri taqon chajinem pa Amaq’ xuya ub’ixik che ch’ob’om chik rech kakojik ri Mesa Técnica rech Gabinete Digital, rech kataqixik ya’ik uchuq’ab’ ri b’anoj ya’olchajinem ub’i’ ciberseguridad ri’ rech utz uq’axexik ri tzijolil chi kuwach taq ri taqawokajil rech ri Organismo Ejecutivo, rech kub’alil ub’anik ri niman patan ri’ xuquje’ rech pa kub’alil kek’oji ri winaqilal ri’.
Eri wokom patanelab’ rech Iximulew ruk’ ri cholchak ri’ man xaq ta ri’ karaj kuya uchuq’ab’ ri ya’ik ri tzijol chi ke ri winaq pa tinamit, xane’ are rech kajach uwach ub’anik taq ri chak xuquje’ rech k’ot chik ukutzil kaq’axexik ri tzijol rech ilonb’al chak ri’, rech are kakojik k’ak’ taq uwachib’al tob’chakub’alil rech katob’anik che b’anik ub’ixik ri chak kab’an ri’ pa le jun b’anon ilonb’al chak ri’ pa usuk’alil saqilem xuquje’ rech ilob’al uwach pa tinamit.