Pa le uq’ijol ya’ik ub’ixik ri chak b’anom chik pa le nab’e taq jo’k’al q’ij rech ri utaqanik ri K’amal B’e Amaq’ Bernardo Arévalo, pa raq’anik q’ij rech ri martes 23 rech abril, xya’taj ub’ixik ri chak b’anom pa taq ri taqawokajilal ri’. Eri K’amal B’e Amaq’, are xuya ub’ixik ri chak b’anom ri’, are chi’ rachi’l ri Ukab’ K’amal B’e Amaq’ Karin Herrera, kuk’ ri Wokom Patanelab’ ri’, are jun ri Ministro rech Gobernación Francisco Jiménez, xuquje’ kuk’ ri winaqixelab’ ri’.
Eri nimachak qas b’anom rumal ri K’amal B’e Amaq’ are wari’: xetaq pa konojel ri wokaj e ajhajil tinamit pa le q’atenik e ajtoq’il pwaq. “Rumal ri’ xb’antaj kowonem xechapik e 39 chi uwinaqil molaj b’anol k’ax, chi ke ri’ e 22 ri tajin xkib’an toq’inik pwaq. E k’o 518 chi e ajtoq’inel pwaq xeqachap uloq, ri xeqak’am b’i pa q’atb’al tzij. Eri kaq’atexik nik’aj e ajtoq’il pwaq ri’ ruk’ nik’aj chik b’anol k’ax are la’ xub’an rech xq’atataj uchuq’ab’ kamisanik pa 13 che ri jok’alib’al, man je ta ri’ ruk’ ri rech taq junab’ 2023 ruk’ ri rajilab’al rech 2024”, xcha’ ri k’amal b’e amaq’il.
Eri utapatanexik rech ub’anik wari’ are la’ xk’is ruk’ uwokik uwach jun b’anon ub’e’al joremal xuquje’ rech yakon ib’ rech uk’isik ri ch’ojinem chi kuwach ri Nahualá ruk’ Santa Catarina Ixtahuacán, Tzoloja’, are la’ ch’oj katajin naj junab’ chik.
Are chi’, eri k’amal b’e tinamit sib’alaj xuya ub’ixik ucholaj ri chak xb’antaj ri’ pa taqawokajilal ri’, chi’ k’u ri’ xtzuj ri pwaq xsachik, ri q’atenik ri k’ax elaq’ pa taqawokajilal xuquje’ ri pwaq sachom pa le yakon nimaja pa tinamit. Maja’ kak’is ri utzij rumal, sib’alaj xuya ub’ixik che kuqajisaj ri rajil kuch’ak chi ik’ ri’ jeri’ kub’an ri Ukab’ K’amal B’e Tinamit rech kakol uchi’ upwaq ri tinamit.
Are xb’antaj wa’, eri K’amal B’e Amaq’ kuk’ ri rajpatanel pa tinamit che kaqan xel b’i pa le rachoch ri Ministerio rech Gobernación rech xe’opan pa le Nimaja Rachoch Tinamit pa Uk’u’x Nimatinamit ri’, xe’ok’ow nab’e pa le Paseo de la Sexta, chi la’ k’ut xkich’ab’ej wi kanoq ri winaqilal e t’ub’ul che kika’yexik, ri xkich’ab’ej b’i ruk’ jun pa utzilem nim ki’kotemal.