Eri b’anoj tzukunem ri’ are rech maj b’anoj k’ax ri’ pa le japache’ tz’apib’al ri’ pa taq nimaq’ij rech pa k’isb’al junab’ ri’, eri Q’atb’altzij rech Pache’ Tz’apib’al ri’ ruk’ utob’anik ri Wokajil Ajchajil Tinamit (PNC), k’o tzukunik xkib’an pa le Granja Modelo rech Rehabilitación Pavón xuquje’ pa le Granja Modelo rech Rehabilitación Cantel, Xe’laju’ ri’.
Pa le b’anoj tzukunem ri’ xb’an pa le Granja Modelo rech Rehabilitación Cantel, chi la’ pa le sectores ub’i’ Hielera xuquje’ Resguardo 3, eri q’atb’altzij pache’ tz’apib’al kuk’ ri e ajchajil tinamit chi’ xkiriq wi wuqub’ chi ch’a’wib’alil xuquje’ k’i taq uk’olib’al ub’aq’ k’aqb’alil ri’.
E pa le Granja Modelo rech Rehabilitación Pavón ri’, pa le sector Reflexión chi’ xeriqitaj wi ri e ajpache’ e tz’apilik a Braulio Alejandro González García, ruk’ jun ch’a’wib’al reqam xuquje’ ruk’ k’i uk’olib’al ub’aq’ k’aqb’alil ri’.
Eri K’amal b’e rech ri Taqawokajil Japache’ Tz’apib’al, Luis Escobar xub’ij eri b’anoj tzukunem ri’ are katerenb’ex na ub’anik ri’ xaq k’a te’et pa le 23 chi rachoch japache’ tz’apib’al ri’ rumal xutaq ub’anik rumal ri Ministerio rech Gobernación, xuquje’ xub’ij che katerenb’ex na ri’ unimaxik ri rech utzwachil rech uq’atexik ri jun itzel yab’il rech kutzij ta chik rib’ ri COVID-19 ri’, rumal sib’alaj katajin raq’anik uchuq’ab’ pa ch’ab’enik ri kachalal ri e tz’apil pache’ ri’.