K’o ch’aweb’alil, puqch’b’al ruk’ nik’aj chik k’ax jastaq xeriqitaj pa japache’ ri’

Pa 16 rech febrero ri’, eri reqa’lenel ri Wokajil Ajchajil Tinamit (PNC), xkib’an jun tzukunem xaq k’a te’et pa taq rachoch japache’ ri’ rech Centro rech Detención Preventiva kech Achijab’ xuquje’ Ixoqib’ ub’i’ Álvaro Arzú Irigoyen, k’o pa le aldea Los Jocotes, Zacapa ri’.

Eri wokajil ajchajil tinamit xkiriqo 17 chi ch’aweb’al kemojtz’ib’, 13 chi tarjetas SIM, 50 chi etok’al kolomch’ich’ rech k’amoj wifi, keb’ micro USB, jun yab’al uq’aq’enil ri rech ch’aweb’al, 7 chi pisob’al rech marihuana, tzam, puch’b’al, xuquje’ tz’ib’wuj ruk’ rajilab’al kich’aweb’al winaq, ruk’ nik’aj chik.

Eri b’anoj tzukunem ri’ are la’ xb’antaj rumal ri División Nacional rech Kaq’atexik ri Pandillas (Dipanda) ri’, ri División Especializada rech Investigación Criminal (DEIC) ri’, ri Subdirección General rech Análisis rech Información Antinarcótica (SGAIA) ri’, ri Fuerzas Especiales rech Policía (FEP) ri’, ri Inspectoría General ri’, xuquje’ ri Comisarías 21, 23, 24 xuquje’ 61 ri’.

Eri q’atb’al tzij xkib’ij che ri b’anoj tzuunem ri’ are la’ xb’antajik rech kemulub’axik ri winaq e tz’apil pa japache’, rech maj jun kukoj tane’ b’i chi’ k’ax Itzel jastaq rech toq’inik pwaq.

Noticias Recientes