Paq’ij viernes 17 rech febrero, eri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) xkib’an tzukunem chajinik ri’ xuquje’ chajinem winaqilal chi rij taq ri rachoch kesax wi ri Wujil rech Q’axeb’al ri’ rech ri Instituto Guatemalteco rech Migración (IGM), zona 4 rech pa uk’u’x nimatinamit, rech taqim uq’atexik taq ri b’anoj elaq’nik chi rij resaxik ri wujilal ri’.
Eri K’amal b’e Taqanel rech Migración xub’ij k’ut ri jun nim maltyoxinik chi re ri Ministro rech Gobernación ri’ rumal xutaq ub’anik chajinem tzukunik rech q’atenik ri b’anoj taq jo’sb’alil rech b’anob’al elaq’ chi ke winaq ri’, chi rij resaxik ri wujil rech q’axeb’al pa qatinamit. “Rumal ri’ sib’alaj kuwach kinb’ij chi ke ri winaqil makiya kib’ kejo’sax kkumal ri elaq’omab’ winaq rech xaq k’o makitoj chi ke ri’ rumal k’ut tojom taj resaxik ri wujilal ri’”, xcha’.
Ruma ri’ eri e ajchajin tinamit xkib’an katzukuxik kitzijol ri winaq ri’ rech xkilo we man taqom ta kichapik xuquje’ we man keqam ta Itzel k’ax jastaq ri’ rech kakikoj tane’ chi ke ri winaq rech kakib’an k’ax chi ke ri’.
Rumal ri’ eri q’atb’al tzij xkiya apanoq ub’ixik ri retal rajilab’al ch’aweb’al ri’ rech wexa’ k’o ri kakib’ij loq pa le 110 kuk’ ri wokaj e ajchajin tinamit, pa le 1561 rech Crimen Stoppers xuquje’ pa le 4214-9091 rech Migración ri’, rech b’a’ chi la’ kakib’ij wi loq ri winaqil wexa’ k’o itzelb’anoj k’axb’anoj kakilo kab’an ri’ chi rij resaxik ri wuj rech q’axeb’al pa qatinamit.