Eri Ministro rech Gobernación, Edgar Leonel Godoy xuya’ utzijol che pa le waqib’ kajb’al rech aq’ab’al xmajtaj jun b’anoj tzukunem pa Japache’ rech Q’antel chi’ k’u ri’ xraqataj wi jo’ob’ ch’awib’alil ruk’ nik’aj chik jastaq maj pa usaqil ri’.
Pa le b’anoj tzukunik ri’ xetatb’enik ri eqa’lenel rech ajchajil tinamit, eri e ajchajil amaq’ rech Iximulew xuquje’ ri ajchajinel rech ri japache’ ri’, rumal ri’ eri Ministro xub’ij che xaq xu’ wiri’ xkiraqo nik’aj jastaq ri’, are wa’ kakikojo pa le ub’anik k’ax toq’inik pwaq chi ke ri e utz taq winaq chi’.
Xub’ij ri’ che xkisolij ri retal ri ch’awib’alil chi’, eri qas q’atib’al rech retalil ri’ are rech maj chik retal ch’awib’alil kopan chi’.
Are keqataso ri nik’aj winaq che qas e itzel kib’anik rech kakitoj ri kimak chi’ maj ruk’ utz taq jastaq rech utz keraqataj chi’.
Eri Godoy xub’ij che kateremb’ex ri b’anoj tzukunik chi’ rech saq kaqaya’o kanoq chi’ are rech pa kub’al k’u’x kek’oji ri winaqil chi’ xcha’ ri K’amal b’e Amaq’.
“Ri are xub’ij eri winaq chi’ tajin kab’an k’ax chi ke kumal e ajb’anol k’ax, we kamik ri’ e are chik nik’aj b’anol k’ax ri’ ri kakitij b’i ri’, rumal ri’ kojuxulan taj che kaq’atexik pa juntir we amaq’il ri’”, xcha’ ri Taqawokajnel rech Ya’olchajinik pa Amaq’.