K’o jun peraj tiko’n rech awan kunb’al xriqitaj pa jun peraj juyub’ pa le 13 rech febrero ri’ kumal reqa’lenelab’ ri Subdirección General rech Análisis rech Información Antinarcótica (SGAIA)ri’ rech ri Wokajil Ajchajil Tinamit (PNC) xuquje’ kumal reqa’lenel ri Wokajil Ajchajil Amaq’ Iximulew. Are ri’ xriqitaj pa taq ri caseríos San Antonio xuquje’ rech Santa Catalina, La Tinta rech Alta Verapaz ri’.
Eri wokajil ajchajil tinamit ri’ xkiriq k’ut 67 mil 304 chi ichaj tiko’n rech coca ri tajin chik rechexik, are ri’ xriqitaj pa jun peraj juyub’ ri k’o 5 mil 92 chi etok’al pa ukajtzalajil uwach ri’. Eri awan kunb’al ri’ are la’ xporoxik eri rajil are Q673 mil 040 ri’.
Are wa’ xb’antajik rech xunimaxik ri xutaq ub’anik rumal ri K’amal b’e Amaq’ ri’ pa reqele’n ri Ministerio rech Gobernación (Mingob) ri’ xuquje’ rumal ri Ministerio rech ri Defensa Nacional (Mindef)ri’, pa le kaq’atexik ri narcotráfico pa rulewal qatinamit.