K’o ixoq xchapatajik rumal xuchomaj xkichap b’i jun winaq chom pwaq xkitoq’ij chi rij ri’

Eri reqa’lenelab’ ri Comando Antisecuestros rech ri Wokajil Ajchajil Tinamit, xkiterenb’ej jun b’iw ub’ixik loq chi rij jun ixoq ruk’ jun alaj ne’ keb’ ujunab’ xek’am b’i kumal b’anol k’ax ri’ pa le Cruce La Virgen, rech Pajapita, San Marcos, chi kij k’u ri’ eri nik’aj b’anol k’ax xek’amoj b’i xkitoq’ij panik’aj q’inomal pwaq (Q. 500,000.00) chi kij ri’ rech kakitzoqopij loq.
Rumal k’ut eri tzukunelab’ ri’, e are qas xe’ilowik che k’o man k’ot usuk’al ri tzij xkib’ij ri nik’al e ajb’anol k’ax ri’ rumal ri’ xkich’ob’o che are wa’ qas chomatal ub’anik ri k’ax ri’, rumal ri unan ri alaj ne’ ali xuquje’ kumal e k’i rachib’il e b’anol k’ax.
Rumal wa’, e pa lunes ri’, eri reqa’lenel ri Comando Antisecuestros xuquje’ rech ri Investigación Criminal (DEIC), xkinimaj ub’anik k’ut ri b’anoj tzukunem pa taq achochib’al ri’, rech xkisolij, xkitzukuj uwach jun b’anoj k’ax ri’, rech xkitzukuj ri jastaq q’alajisab’al kech, are wa’ tzukunik xtaq ub’anik rumal ri Q’atb’altzij rech ri pa juyub’ tinamit ri’.
Eri nik’aj b’anol k’ax che ri xechapataj loq e are ri’, a Santos Gerardo Cruz Hidalgo 29 ujunab’, xriqitaj ruk’ jun kuchb’al uchi’ uxlab’ q’eq, a Eldi Pantaleón Barrios Ochoa 37 ujunab’, ri xriq jun ch’a’wib’al ruk’, ri al Geili Marixa Morales Avalos 22 ujunab’, ri al Eusebia Avalos Pérez de Morales 53 ujunab’ xuquje’ a Cruz Dionisio Rabanales Arreaga 37 ujunab’ ri’.
Eri nik’aj xechapataj ri’ xek’am b’i pa Q’atb’altzij ri’, rech kechomax chi rij ri k’ax xkib’ano.