Pa jun tzukunem xb’antaj kumal reqa’lenel ri Subdirección General rech Análisis rech Información Antinarcótica (SGAIA) rech ri Wokaj Ajchajin Tinamit (PNC) pa San Antonio La Paz, El Progreso, xchap jun achi ub’i’ a Rolando Joel Molina Morales, 34 ujunab’ are chi’ reqam chom pwaq b’otolik xriqitaj ruk’ maj uwujil reqam tane’.
Eri xriq ri’ poa job’ q’ij rech marzo ri’, kumal ri Binomio K-9 pa kik’ulajil jun k’amal b’e ruk’ jun tz’i’ eqa’lenel ub’i’ “Dome”, xuya ub’ixik chi kech ri ajchajinel e ajq’atenel awan kunab’alil chi k’o ri awan kunab’al xriq pa jun picop rech utaretal P 393FTH ub’inisam. Ri xsolixik kkumal ajchajil tinamit ri xkiriq Q151 mil y US $73 mil 980 chi pwaqil b’otolik. Eri pwaq ri’ k’o pa waqib’ pisob’al rec aluminio, ri e awam b’i pa jun keb’tasb’al pa le ch’ich’.
Pa le tzukunem xriqik jun k’aqb’alil xuquje’ keb’ chi ch’aweb’alil ri xpis b’i kumal ri tzukunelab’. Eri q’atb’al tzij xkib’ij che ri pwaq ri’ qaraj are tajin uk’amik uloq k’a pa San Marcos, k’a pa Zacapa ri’.
Eri puqtzukunem xb’an ri’ rech xterenb’exik jun biw ub’ixik uloq pa awalik rumal ri jun winaq pa le ch’aweb’al antinarcótica 1577, ri are k’o nim upatanib’al rech pa aninaqil xe’opan ri ajchajin tinamit che ri rilik xuquje’ uchapik jun b’anol k’ax chi rij ri’. Rumal ri’ kab’ixik k’o nim upatanib’al ri tob’anem kumal ri winaq kuk’ ri e ajchajin tinamit rech uq’atexik ri b’anoj k’ax ri’ pa Iximulew.