K’o jun ixoq ajtoq’il pwaq xchapataj ri’

Taqim k’ut rilik kitzijol ri winaqib’, rech katzukux b’a’ ri k’aqb’alil, ri cholchak rech tz’ib’anem, ri wujil rech k’olib’al pwaq pa pwaqb’al ja ri’, rumal ri’ eri reqa’lenel ri Wokajilal rech Q’atenik taq  Pandillas (DIPANDA) rech ri Wokajil Ajchajil Tinamit (PNC) pa komonchak kuk’ ri Q’atol tzij rech ri Ministerio Público (MP), k’o jun b’anoj tzukune xkib’an pa le Manzana C Lote 100, Colonia ri  Mirador rech San Cristóbal Ciudad Peronia rech Villa Nueva, chi’ k’u ri’ xchapataj wi loq ri jun ixoq ub’i’ Silvia Lorena Hernández ri 47 ujunab’ ri’, kab’ixik ajtoq’il pwaq chi ke winaq ri’.

Eri jun chi ke winaq xkitoq’ij pwaq chi rech pa k’i taq mul pa uch’a’wib’alil, chi upam k’ut sib’alaj xkib’ij che kakikamisaj we man kutoj ta pa kiq’ab’ Q. 10,000.00, rumal sib’alaj kixib’im kib’ ri winaq xkitoj le pwaq xtoq’ix chi ke pa jun retal rajilab’al k’olib’al pwaq pa pwaqb’al ja ri’ pa ub’i’ ri jun ixoq xchapataj loq.

Xuquje’, eri tzukunelab’ xkimol ri wujil ri tojb’al pwaq chi ke ri, ri uwujil rech taqib’al pwaq, ri tarjetas rech crédito xuquje’ rech débito, ri ch’a’wib’alil eqam ri’, ri chips rech ch’a’wib’alil, ri tob’chakub’al USB xuquje’ ri pwaqil, jeri’ ri jastaq man k’ot pa usaqil upetib’al ri’.

Alerta de Corrupción

Ultimas noticias