K’o k’iyalaj wujilal ub’i’ antecedentes ´policíacos xesax kumal winaq pa 2022 pa le keb’ uwach resaxik ri’.
Eri wujilal antecedentes policíacos are la’ qas xmaj resaxik kumal ri winaq che ri kechakunik. Eri wujilal ri’ are la’ tajin uya’ik rumal ri Ministerio rech Gobernación (Mingob), pa upatanil ri Wokajil Ajchajil Tinamit (PNC).
Eri utzijol xya’taj rumal ri Sección rech Antecedentes Policiales, rech ri Subdirección rech Apoyo xuquje’ Logística, pa enero’ ri’ k’a pa le nab’e wuqq’ij rech noviembre rech 2022 esam chik 1 052 215 chi wuijilal kumal ri winaq, pa taq ri k’olib’al chajin tinamit pa taq ri comisarías policiales pa rulewal qatinamit.
Eri al Amanda Borrayo, taqanel rech ri Sección ri’, xub’ij are k’u xmajtaj uta’ik resaxik ri wujil pa uwachwuj ri’, eri winaqil man xe’opan che resaxik pa le sede central ri’ jacha kib’anom kanoq.
“Naj chik resaxik ri wujil tajin ri winaq ri’ pa ronojel q’ij ri’ k’o chik 1500 ri’. Rumal ri’ eri winaqil e ajesal ri wujil ri’ pa pwaqb’al ja e b’enaq wi che utojik. Xuquje’ ya’tal ri’ rech ke’opan che resaxik pa le sede central ri’, chi la’ k’ut k’o wi jun oficina bancaria ri’. Pa le 8a. calle 6-55, zona 9 rech uk’u’x nimatinamit”, xcha’ ri a Borrayo. Jeri’ xuya’o ub’ixik eri wokajil ri’ e uchapom chik 73 chi winaqil pa qatinamit rumal k’o xkib’an toq’inik pwaq, rumal b’anoj k’ax chi ke alitom, ixoqib’, rumal k’o man xkiya ta kipwaq kachalal pa kachoch, e k’o e ajb’inisal ch’ich’ ri’.
Resaxik ri wujil pa uwachwuj
Eri coordinadora rech Antecedentes pa Línea, Sandra Hernández, xub’ij pa taq le k’isb’al wuqq’ij ok’owinaq eri winaq kesam chik 900 chi wujil pa uwachwuj pa kematz’ib’. Xub’ij eri winaqil kakikoj ri wujilal rech kakijacho pa le kechakun wiri’.
“Pa enero k’a paq’ij kamik, eri PNC esam chik 1 083 222 chi wujilal pa uwachwuj ri’. Are wa’ tajin kichakum ri PNC chi ke ri winaqilal”, xcha’ ri Hernández. Xuna’tij ub’ixik eri resaxik ri wujil ri’ kumal ri winaq xuquje’ rumal jun abogado ri’.
Xub’ij chik: “Eri e ajesal rech ri wujil policiales ri’ are kakoj ri chakub’al rech WhatsApp, Telegram, correo electrónico xuquje’ pa mensajes kataq b’i. Jeri’ resaxik ri wujil ri’ kab’an ri’”. eri dirección electrónica rech resaxik ri wujil ri’ pa policiales.pnc.gob.gt xuquje’ pa uwachwuj ri mingob.gob.gt.