Sib’alaj tajin kaq’atexik ri taxis piratas ri’

Sib’alaj tajin uterenb’exik ub’ixik loq kumal winaq eleq’am kich’ich’, b’anom k’ax achk’ulaj chi ke xuquje’ k’o e k’amom b’i kumal e itzel winaq, rumal ri’ eri División Especializada rech Investigación Criminal (DEIC), rech ri Wokajil Ajchajil Tinamit (PNC), rumal k’u ri’ sib’alaj tajin katzukuxik ri taxis pa taq El Trébol, pa Calzada Roosevelt, San Juan xuquje’ pa uq’ab’ tinamit rech Mixco.

Paq’ij 22 rech octubre, eri reqa’lenelab’ e ajchajil tinamit xkichap e kajib’ chi winaqil ruk’ waqib’ chi ch’ich’ ri k’o elisam k’exom chi ke xuquje’ rumal maj pa usaqil kiwujilal ri’.

Pa le b’anoj puqchajinem ri’ e k’o keb’ chi ch’ich’ e kojom chi ch’ich’ taxis piratas ri’. Eri nab’e ch’ich’ ri’ are la’ xriqitaj xchap loq pa le 39 calle 33-00, colonia El Amparo zona 7, capitalina, ruk’ ri placas P949 FTH marca Toyota, línea Scion XB, modelo 2005, xar rij kaka’yik.

Rumal ri’, k’o jun chik ch’ich’ xchap ri’ ruk’ ri placas P132 GTR, marca Mazda, línea Mazda 2 sport, modelo 2012, rax policromado rij ri’.

Eri q’atb’al tzij xkib’ij che ri rajilal rech uranch’ich’ ri’ man are taj kojom jacha k’o pa le uwujil. Rumal ri’ eri ch’ich’ xk’am b’i pa le Departamento rech Tránsito rech ri PNC.

Eri q’atb’al tzij rech ri Ministerio rech Gobernación xuquje’ rajtaqanel ajchajin tinamit sib’alaj xkib’ij chi ke ri winaqilal rech chakib’ij b’a’ loq we k’o b’anoj k’ax kakilo kab’anik pa le 110 ri’.

Noticias Recientes