E k’o chi e ajb’anol k’ax keqam k’aqb’alil maj uwujil xechapataj pa puqchajinem xb’an kumal ri reqa’lenel ri Comisarías 14, 24, 31 xuquje’ 34 rech ri Wokajil Ajchajil Tinamit (PNC) rech Retalhuleu, rech Escuintla, rech nimatinamit Iximulew xuquje’ rech Zacapa ri’.
Eri a Cesar Antonu Rodas Rivera, 33 ujunab’ xchapataj kumal ajchajil tinamit are chi’ b’ena qpa jun camioneta ruk’ ri placas P970HBM, marca Mitsubishi, reqam b’i jun k’aqb’al maj uwujil marca SARSILMAZ, ruk’ ri k’olib’al ub’aq’ xuquje’ 17 ub’aq’ k’aqb’al chik. Ri are xchap pa le kilómetro 84 rech nimab’e kab’e pa San Sebastián pa Retalhuleu ri’.
Emu a Carmelino de Jesús López Hernández, 38 ujunab’, alias “El Negro” xuquje’ a Josué Estuardo Salazar Hernández, 21 ujunab’, alias “El Chesi”, xchap ri’ are chi’ b’enaq pa jun kejach’ich’ ruk’ le placas M 124FGN, marca Serpento, pa le kilómetro 73 nimab’e kab’e pa le Pacífico, juyub’al rech ri tinamit Siquinalá, Escuintla ri’.
Eri ajchajil tinamit xkiriq k’ut jun k’aqb’al marca ROSSI, ruk’ jo’ob’ ub’aq’ ri k’aqb’al utz kakojik calibre 38, ri kab’ixik maj uwujil xuquje’ ri kejach’ich’ e b’enaq chi rij ri’. Rumal ri’ eri keb’ winaq xek’am b’i pa q’atb’al Tzij rech Santa Lucía Cotzumalguapa ri’.
Xechap nik’aj chik
Pa le 1ra. avenida xuquje’ 1ra. calle rech ri colonia El Progreso, zona 11 pa le uk’u’x nimatinamit Iximulew, xchap wi a Francis Mantar Gutiérrez, 31 ujunab’, kab’ixik k’o jun k’aqb’al marca HS, q’eq rij, ruk’ jun tolva xuquje’ ruk’ 11 chi ub’aq’ k’aqb’alil ri utz kakojik. Eri ajchajil tinamit xkb’ij che ri jun achi ri’ maj uwujil ri k’aqb’al reqam tane’.
Xuquje’ xchap a Javier Estuardo Sajquin Conde, 22 ujunab’, are kab’ixik xchapataj pa taq ri puqchajinem tzukunik xb’an pa le calzada Miguel García Granados, pa Zacapa. Eri achi ri’ kab’ixik are ub’inisam b’i jun kejach’ich’ marca Suzuki, maj ri placas reqam tane’, ruk’ jun ka’qb’al marca Zigana, calibre 9 milímetros, ruk’ jun cargador xuquje’ ruk’ 15 ub’aq’ ka’qb’al utz kakojik.
Konojel ri xechapik maj kiwujil ri k’aqb’al keqam tane’ ri kaya rumal ri Dirección rech Control rech K’aqb’alil xuquje’ Ub’aq’ K’aqb’alil ri’ (DIGECAM).
Eri taqawokaj Amaq’ Iximulew pa le reqele’n ri Ministerio rech Gobernación (Mingob) xkib’an ri chajinem tzukunem pa rulewal qatinamit rech kakichap loq ri winaq taqom kichapik rech kechap ri’, are wa’ rech uq’atexik ri jastaq maj pa usaqil ri’, rech kaq’atexik ri b’anoj taq kamisan winaq, xuquje’ rech kechap ri ch’ich’ ruk’ taq ri kejach’ich’ che ri eleq’am ri’.