Eri nab’e riqb’al ib’ xk’am ub’e rumal ri Ministro rech Gobernación, Byron René Bor Illescas, xuquje’ ri Primer Viceministro, Carlos Franco Urzúa, rech xkitaq ub’anik ri ya’olchajinem pa le q’axeb’al taqanem pa uq’ab’ ri k’ak’ k’amal b’e qatinamit pa domingo 14 rech enero ri’. Rumal ri’ eri k’amal b’e ri Wokajil Ajchajil Tinamit (PNC) sib’alaj xek’oji pa le rachoch ri nimalaj chajin tinamit chi uxe, chi uwach xuquje’ jun q’i ok’owinaq chik ri k’amoj eqale’nib’al rumal ri k’ak’ k’amal b’e tinamit.
Eri Taqawokajnel rech ri Ya’olchajinem pa Amaq’ sib’alaj xe’utaqo e 40 mil chi ajchajinelab’ che ya’olchajinem pa juntir ri tinamit. “Eri qas taqim ub’anik ri’ are rech pa joremal kub’al k’u’x’ kab’a ri jaltajem pa le k’amoj ub’e tinamit ri’”, xcha’.
Xuquje’ eri Bor Illescas xub’ij che xtaqon chi ke ri taqanelab’ rech taq distritos, comisarías xuquje’ chi ke ri unidades especializadas rech ri PNC, rech kakinimaj ri b’anoj chajinem pa tinamit. Xuya ub’ixik chi k’o jun nim upatanib’al ri ucholalejil ri taqanem pa tinamit xuquje’ ri ya’olchajinem winaqilal, rech are qas kab’an unimaxik rilik ri ya’talil chi ke ri winaqil pa usaqilal pa tinamit.
Rumal ri’ sib’alaj xkoj jun ya’olchajinem kumal ajchajil tinamit chi rij taq rachoch taqawokajilal pa tinamit, chi rij taq ri q’atb’al tzij xuquje’ pa taq nik’aj chik k’olib’em ri’ xuquje’ rech uq’atexik ri b’anoj k’ax, rech pa utzilem joremal kab’an ri jaltaqajem kumal ri k’amal b’e qatinamit ri’.