Eri reqa’lenelab’ le Subdirección General rech Análisis rech Información Antinarcótica (SGAIA) rechri Wokajil Ajchajin Tinamit (PNC k’o 87,800 chi ichaj tiko’n rech marihuana ri xriqitajik xporoxik ri nimaq’ chik raqan k’o chikuwach tajin reche’xik ri’. Eri xriqitaj pa keb’ q’ij rech mayo ri’ pa jun puqtzukunem xb’an pa kemonchak kumal ri wokaj ajchajin Amaq’ Tinamit Iximulew ri’, pa jun nim k’ache’laj rech Las Cruces, Petén ri’.
Eri awan kunb’al xporox ri’ eri rajil are kopan pa Q43,900,000, junam ruk’ a USD 5,628,205.13 chi pwaqil dólares americanos ri’. Pa le puqtzukunem ri’ are xunimax uporoxik ri tiko’nib’al rech awan kunb’al ri’, jeri’ rech xk’ub’’isaxik kachajixik ri winaqilal keriqitaj chi la’ k’ut xuquje’ xb’an ri chajinem pa taq ri k’olib’alil che xtzukux uwach ri’.
Ruk’ ri puqtzukunem ri’ k’o jun nim uq’atexik ri narcotráfico xb’antaj ri’ xuquje’ rech xq’atexik uwach ri awan kunb’al rech kopan ta ujipixik pa chi kuwach winaqil e’aj iximulew ri’. Eri b’iw ub’ixik ri’ are kab’an pa le 110 rech ri PNC xuquje’ pa le 1577 rech antinarcótica rumal are wa’ kuya pa retalil rech kaya’ nim uchuq’ab’ ri puqtzukunem ri’ rech uq’atexik taq ri molaj b’anol k’ax pa amaq’ tinamit.