Eri reqa’lenelab’ ri División rech Puertos, Aeropuertos xuquje’ Puestos Fronterizos (DIPAFRONT) ri’ rech ri Wokajil Ajchajin Tinamit (PNC) xkiriq k’ilaj taq k’aqb’al q’aq’ kamisab’al ruk’ juntir upam uchokonsab’al ri’ ar la’ xriqitajik are chi’ xb’an jun puqtzukunem pa le Portuaria Santo Tomás de Castilla, pa Puerto Barrios, Izabal ri’.
Pa le puqtzukunem ri’ xriqitaj loq wajxaqib’ (8) chi raqarik k’aqb’al q’aq’ AK-47, ruk’ keb’ raqarik k’aqb’al chik, jun k’aqb’al kamisab’al, ruk’ b’elejlajuj (19) nojisab’al ub’aq’ ri k’aqb’al ri’ xuquje’ ruk’ waqib’ (6) ub’aq’ k’aqb’al q’aq’ ri utz kakojik. Are chi’ xriqitajik, xb’an uch’ob’ik che ri eqa’nib’al awan jastaq xriqitaik are taqom loq rech kab’e pa le uq’ab’ tinamit rech Nentón, Chinab’jul, xuquje’ pa le uq’ab’ tinamit rech La Libertad, Petén.
Eri PNC xuya utzijol che ri jun nim eqa’n awan jastaq xriqitaj ri’ sib’alaj xkipis b’i ri q’atb’al tzij rech kakib’an uq’alajisaxik uwach ri’ rech kakimaj kachakik ri e’ajmak chi rij ri’.
Eri b’anob’alil ri’ are la’ kuk’utu che ri Q’atb’al Tzij rech Amaq’ Tinamit sib’alaj ketajin che kaq’atexik ri k’ayin k’aqb’al q’aq’ maj uwujilal, xuquje’ rech kub’an ri b’anow chajinem pa taq k’olib’al rech pa amaq’, rech pa kub’al k’u’x kek’oji k’ut ri winaqilal, rech e chajim ri’, rech keq’atataj ri’.