Eri Ministro rech Gobernación xub’ij che pa we q’ij 17 rech mayo ri’, xya xq’alajin pa utzijolixik pa le Diario rech Centro América ri’ ri Acuerdo Gubernativo 89-2023 chi upa kub’ij wi ucholajil kutoj ri e ajcpache’ kareqaj ri’ jun chapab’al chech uq’ab’ chech uqan, rech pa le ukojik ri Control Telemático ri’.
“K’isb’a ub’ixik wari’ eri rajil rech kakojik ri chapab’al, paq’ij kamik xya utzijol ub’ixik, katoj Q50 rech jun q’ij, katoj Q1 mil 500 che jun ik’, tajin b’a’ uch’ob’ik rajwaxik we ri winaq kareqaj wari’ we man k’ot upwaq urajil rech kutoj tane’ are kachomax ri’”, xcha’ ri Taqawokajnel rech ri Ya’olchajinem Winaqil ri’.
Jeri’, eri Magistrado Presidente rech ri Corte Suprema rech Justicia ri’ (CSJ), xub’ij “che pa rachoch taq japache’ k’o pa Iximulew sib’alaj kititz’om kib’ xuquje’ rumal ri’ rajwaxik kataq ukojik ri Chapab’al ub’i’ Control Telemático chi rech kajamataj kuwach pa japache’ ri’”.
Pa le riqb’al ib’ xchomax wari’
Paq’ij martes kanoq xb’an ri ukab’ riqb’al ib’ rech xchomaxik kakoj ri chapab’al ub’i’ Control Telemático ri’ pa le Q’atoj Tzij pa Iximulew, are xtaq ub’ixik chi kech ri q’atol Tzij ri rajchak ri CSJ, pa le riqb’al ri’ xek’oji wi ri q’atb’al Tzij rech ri keb’ taqawokajil ri’.
Eri xmajtaj utzijob’exik wa’ chi kech ri’ chi rij ri unimaxik ri chakunem, pa q’atoj Tzij xuqje’ pa le kojob’al rech we no’jchakub’al ri’.
Eri k’ak’ tob’chakub’al ri’ are la’ ri chokonsab’al k’o upatanib’al rech kataq ub’anik pa jun tinamit, xecha’ ri patanelab’