Paq’ij 16 rech mayo, eri reqa’lenel ri Subdirección General rech Análisis rech Información Antinarcótica (SGAIA) ri’ rech Wokajil Ajchajil Tinamit (PNC), xkiya utzijol chi k’o 55 chi pisab’al xkiriq pa uwi Palow océano Pacífico ri kopan pa 1 mil 244 chi pajb’alil rech cocaína ri’.
Eri q’atb’al Tzij sib’alaj xkib’ij che ri b’anoj eqele’m chak ri’ ruk’ ri utob’anik reqa’lenel ri Marina rech ri Defensa Nacional rech ri Wokaj Ajchajil Amaq’ Iximulew xuquje’ ruk’ ri Ministerio Público ri’ (MP), sib’alaj xeq’atenik chi kech ri narcotráfico ri taji kakiq’axe’j awan kunab’al pa nik’aj chik tinamit naj.
Pa uwi palow
Paq’ij 15 rech mayo ri’, xopan ri ch’ich’ jukub’ ub’i’ La Perla del Mar pa le Base Naval rech ri Pacífico San José, Escuintla, are chi’ xriqitaj chi la’ pa uwi palow, xechap ri uwinaqil ri’ a Próspero Estrada Castillo, 48 ujunab’ xuquje’ a Edgar Oswaldo Sánchez de León, 27 ujunab’.
Eri nik’aj xechap ri’ kik’amom b’i 55 chi k’olib’alil ruk’ 1 mil 244 pajb’alil ri awan kunab’al, eri rajil are Q127 millones 810 mil 737 ri’. Xuquje’ pa le ch’ich’ jukub’ pa uwi palow xriqitaj jun ch’aweb’al ri’ ruk’ k’i taq b’oloch’ich’ ch’ich’ uk’olib’al ruk’ q’aq’elja’b’al ri’.
Xk’am b’i pa k’olib’alil
Are chi’ xpisik ri k’olib’alil kumal ri q’atol Tzij rech ri MP, xk’am b’i kumal reqa’lenel ri SGAIA xkik’am b’i k’a pa le Comando Naval rech ri Pacífico ri’, pa Escuintla pa taq ri k’olib’alil k’o pa le zona 6 rech uk’u’x nimatinamit. Eri q’atb’al Tzij xub’ij eri awan kunab’al xriqitaj ri’ eri rajil are $14.33 millones rech dólares rech ri Estados Unidos rech América ri’.