K’a te kanoq ri’ eri Ministerio rech Gobernación pa reqele’n ri Nab’e Viceministerio rech Chajinem xuquje’ rumal kichak ri Wokajil Ajchajil Tinamit (PNC) ruk’ keqale’nel ri wokajilal ajchajinelab’ ri’ k’o nim upatanib’al chajinem tzukunem xb’an pa rulewal tinamit rech Izabal kumal ri’.
Eri rajilab’al ri xb’antajik pa le wuqq’ij ri’ k’o jun nimalaj q’atenik winaqil xkib’an ri’ rumal ri’ e k’o 1,639 chi winaqil xechapataj loq, 46 chi k’aqb’alil, 547 chi ch’ich’ xuquje’ 639 chi kejch’ich’ xeriqitaj loq ri’.
K’o 34 chi b’anoj chajinem tzukunik xb’an pa taq le tinamit rech Morales, Los Amates, Puertos Barrios, Lívingston xuquje’ El Estor ri’, xuquje’ k’o 211 chi tzukunem xb’antaj pa kachoch winaq ri’.
Xb’antaj kowinem k’ut xriqitajik 55 chi k’aqb’alil maj pa usaqil xriqitajik, 19 chi k’olib’al ub’a’ k’aqb’alil, 38 chi ch’a’wib’alil, 114 chi ub’aq’ k’aqb’al jalajoj uwach ri’, pa ronojel k’o Q 102,100.00 chi pwaqil xriqitajik xuquje’ ruk’ 39 chi máquinas kub’ij pwaq xriqitajik.
E k’o 20 chi winaqil ketajin che b’anoj k’ax xechapataj loq, jo’ob’ chi winaq xechapatajik ri taqom b’i kichapik rumal q’atb’altzij chi rij taq jalajoj k’ax kib’anom ri’.
K’o 254 chi e ajchajil tinamit xetaq pa puqchajinem, 45 chi ch’ich’ rech puqchajinem xekoj ri’ k’o 580 chi wujil taq ch’ich’ xuquje’ 766 chi winaqil xsolix kuwujil ri’.