Are rech terenb’em ya’ik uq’ij kipatan ri Wokajil Ajchajil Tinamit (PNC), are la’ ri suk’ub’anik tajin pa le rachoch le Nimatijob’al rech ri PNC, rachoch Regional rech Occidente, k’o pa Chinab’jul. Ruk’ le usuk’b’axik ri’ are rech sib’alaj sutz kab’an chi rech ri’ rech kek’oji wi e 500 e’ajtijoxel rech kek’ok che k’ak’ e’ajchajil tinamit, ri ketijoxik chi rij runimal reta’mab’al pa le tijob’al ri’.
Le Ministro rech Gobernación, Francisco Jiménez, rachi’l le Viceministra rech Seguridad, Claudia Palencia, sib’alaj xub’ij eri kopanik pa le rachoch tijob’al ri’ are kuk’utu che tzij b’a’ le Wokom K’amal B’e Amaq’ Bernardo Arévalo pa ri Upatan Utaqawokajnik, kuk’utu che man xaq kuya kiq’ij ri e k’ak’ e’ajchajil tinamit, e’are jun k’ut pa konojel ri wokajil e’ajchajil tinamit ri’.
Eri K’amal B’e rech ri PNC, David Custodio Boteo, xuya utzijol che kamajtajik katijoxik e 3 mil 500 e’ajtijoxel ke’ok che reqa’lenel ajchajin tinamit pa le k’ak’ rachoch tijob’al, rech ketijox chi rij uch’ob’ik uya’ik uq’ij ri yata’l winaqil, rech chomantzij kuk’ ri winaqil, rech kaq’alik ri ch’ojinem pa joremal ri’. Kak’ut nik’aj chik ub’anikil ri utz chak kakib’an ri’ pa le ya’olchajinem winaqilal.
Pa le solinem xakib’ana ri’, le q’atb’al tzij xuquje’ xkimol kib’ ruk’ ri K’amal B’e rech B’anon Tijonem xuquje’ Tijob’enik rech ri PNC, Abel Juárez, xuquje’ kuk’ ri e’ajtaqon chajinem tinamit, rech kakiya uq’ij ri tijonem kakib’an ri e’ajtijonelab’ rech chajinem tinamit pa le katijoxik ri k’ak’ e’ajchajinelab’. Xuquje’ xkib’an le ub’antajil le rachoch tijob’al ri’ rech xkilo we tzij qas utz rech kab’an le chak tijob’enik xuquje’ pa tijoninik ri’.
Sib’alaj rajawaxik kaya b’a’ utzijol che, k’a le xkojik ri Rachoch Tijob’al rech ri PNC, pa Chinab’jul, e k’o chik e julajuj puq e’ajchajinelab’ xkitijoj kib’, rumal ri’ b’anoj kowonem e kojom chik e 5 mil 490 e k’ak’ eqa’lenelab’ pa le wokaj ajchajin tinamit.