Ruk’ jun nimalaj ki’kotemal, nimaq’ij xuquje’ ruk’ jun nimalaj wiqonem jastaq etz’ab’alil xkinojisaj le raqan Nimwokom Rachoch le Gobernación ri’, le Veraly Ramírez ruk’ le Elvin Reyes, e rajtaqonel le Teletón ri’, ruk’ jun nimalaj ki’kotemal eyeb’al ri’ xe’opan pa le nimwokom rachoch kuk’ le q’atb’al tzij rech ri Ministerio rech Gobernación, ri xek’ul apan pa nim ki’kotemal ri’.

Eri loq’ kopanik pa le rachoch le taqawokajnem ri’ are ruk’ nimalaj ki’kotem kumal ri e’are, rumal k’ut k’o loq’ taq sipab’al pa nim ki’kotemalil xek’ul apan ri’, ri xb’an wi ri loq’ taq etz’anem kumal le Polito, le Polita xuquje’ le Leshy, rech ri Subdirección General rech Prevención rech ri Delito (SGPD) rech ri Wokajil Ajchajin Tinamit (PNC), jeri’ are jun xopanik le Fredy, le jun reqa’lenel canino K9 rech le Subdirección General rech Análisis rech Información Antinarcótica (SGAIA), ri e’are xe’ok che k’amal kib’e taq ri e rachib’il pawe q’ij ri’.

Pa le kopanib’al pa le Nimwokom Rachoch le Gobernación ri’, eri taq ak’alab’ ri’ xek’oji naqaj che le rilik le chak kakib’an ri PNC, le xkikajmaj le rilik le chak ri’ kab’an pa ronojel taq q’ij rech pa le kachajixik ri winaqilal pa tinamit.

Pa le riqonem ri’, le ministro rech Gobernación, Marco Antonio Villeda ri’; le viceministra rech Q’ateb’al K’ax ri’, Mayda de León ri’; le viceministra rech Tecnología, Karen Ortiz ri’; le viceministro Antinarcótico, Víctor Cruz ri’; le subdirector rech ri SGPD, Pablo Ismalej ri’; xuquje’ le secretario técnico rech ri SGAIA, Carlos Mendoza ri’, xkichb’ilaj ri taq ak’alab’ ri’ pa le kopan chi’, ruk’ wa’ are xk’ut jun loq’ k’amq’ab’ tzij ri’ xuquje’ rech xuya uchuq’ab’ ri riqonem ib’ chi kuwach ri q’atb’al tzij kuk’ taq ri ak’alab’il e’aj iximulew.