Eri K’amal b’e rech ri Wokajil Ajchajil Tinamit (PNC) Erwin Mayen xuya’ utzijol che we chanim k’ut majun chi ke ri reqa’lenel ri wokajil ajchajil tinamit man utzijom ta rib’ ruk’ ri Coronavirus ri’.
Xuquje’ are wa’ rumal sib’alaj katajin unimaxik ri xoqxa’nik ub’ixik rech kakisaqab’isaj kib’ ri’.
Eri k’ak’ taqanik xya’taj ub’ixik iwir rumal ri K’amal b’e Amaq’ Alejandro Giammattei ri’ rech uq’atenik ri jun k’ax yab’il COVID19 ri’, eri Mayen xuya’ ub’ixik ucholaj che xkoj jun cholchak ri’ are rech kasolixik we katajin unimaxik ri xtaq ub’anik rumal ri’ taqawokaj pa amaq’ ri’ rech majun winaq kub’an tane’ wa’katem pa tinamit ri’ xuquje’ majun winaq kutij tane’ tzam rech kub’an tane’ q’ab’arik ri’.
Xuya’ ub’ixik che ri uk’olib’al ri ya’olchajinik are kak’oji pa taq le tinamit che ri k’o wi k’olib’alil chajinem ri’, ri k’o wi Sub estaciones xuquje’ ri Comisarías che ri kachajixik rech juntir wa’ kab’an unimaxik ri’.