Eri Ministerio rech Gobernación pa reqele’n ri Quinto Viceministerio rech Antinarcóticos pa taq ri nab’e ik’ rech pa junab’ ri’ k’o chik Q1 mil 210 millones 784 mil 871 rajil ri jastaq riqom chik.
Eri chakunem kumal ri reqa’lenel ri Subdirección General rech Información Antinarcótica (SGAIA) rech ri Wokajil Ajchajil Tinamit (PNC), are la’ uriqom uq’atim chik pa le nab’e q’ij rech enero pa le 28 rech marzo ri’.
Eri rajilab’al ub’ixik rumal ri SGAIA pa ronojle ri riqom chik:
k’o 2030.64 kilogramos rech cocaína ri’ eri rajil k’o Q208 millones 631 mil 404.48 ri’
K’o 20.56 kilogramos rech metanfetamina riqom ri’ eri rajil are Q3 millones 83 mil 850 ri’
K’o 2.36 kilogramos rech crack riqom ri’ eri rajil are Q168 mil 423.30 ri’
K’o 48 chi setkunab’al kaq’ab’arisanik riqom ri’ eri rajil are Q2 mil 455.20 ri’
Xuquje’ rajwaxik katunik ruk’ ri 636 mil 485 raqan ichaj tiko’n rech amapola are uwach ri nab’e xuquje’ ri ukab’ q’ij xriqitajik pa Ixchiguán xuquje’ Tejutla, San Marcos ri’, eri rajil k’o Q15 millones 912 mil 125 ri’; k’o 833 mil 244 raqan ichaj tiko’n rech marihuana eri rajil kopan pa Q312 millones 466 mil 500 ri’. Pa taq ri rulewal tinamit rech Alta xuquje’ Baja Verapaz, Izabal xuquje’ Petén ri’, riqom porom chik 6 millones 56 mil 501 chi ichaj tiko’n rech coca, eri rajil kopan pa Q60 millones 565 mil 10 ri’.
Jastaq riqom, pwaq riqom xuquje’ winaq e chapom
Eri ronojel ri jastaq riqom kuk’ ri molaj b’anol k’ax rech ri narcotráfico k’o ri’ 73 chi ch’ich’ eri rajil k’o Q2 millones 190 mil ri’, k’o 3 xik’ach’ich’ eri rajil are Q6 millones ri’, k’o 56 chi k’aqb’alil eri rajil are Q280 mil ri’; k’o 3 mil 156 ub’aq’ k’aqb’al eri rajil are Q9 mil 468 ri’; k’o 89 k’olib’al ub’aq’ k’aqb’al eri rajil are Q 26 mil 700 ri’; xuquje’ k’o 21 chi poq’sab’al riqom eri rajil are Q6 mil 300 ri’ xuquje’ eri reqom ri’ xuquje’ xporox oxib’ chi awam nimaja rech b’anob’al awan kunab’alil eri rajil are kopan pa Q600 millones ri’.
Eri pwaqil riqom kuk’ ri molaj b’anol k’ax pa le oxib’ ik’ rech pa junab’ ri’, are kopan pa Q1 millón 255 mil 301.65 ri’ k’o pwaq dólares ri’, quetzales ri’, pesos mexicanos ri’ xuquje’ lempiras ri’.
Pa k’isb’al ri’, sib’alaj rajwaxik kaqaya utzijol ub’ixik ri puqchajinem b’anom kumal ri wokajil ajchajil tinamit rumal ri’ xb’antaj kowonem xechapatajik 294 chi uwinaqil ri narcotráfico ri’, b’elejeb’ chi ke xa’ xtaq loq kichapik rumal ri q’atb’al Tzij rech Estados Unidos ri’.