Eri ajkalte Leonel Arturo Chacón xuquje’ ri uwinaqilal ri Honorable Consejo Municipal rech Cobán pa Alta Verapaz pa konojelil xkik’am uwach uq’ab’il rech ri ukojik ri Oficina Municipal rech Q’atel k’ax pa tinamit ri’ eri rajno’jinelab’ ri Tercer Viceministerio rech Gobernación xkiya’ loq ub’ixik ri’.
Eri oficina ri’ ruk’ wa’ kenimax wi ri winaqilal rech ri Nimatinamit Ciudad Imperial rech Carlos V rech kakiterenb’ej uchomaxik ri jalajoj taq uwach rajwaxik chike ri cobaneros ri’ xuquje’ are rech kakikoj kichuq’ab’ rech Q’atenik k’ax kumal ri komon Wokajil chi’ xuquje’ kumal ri jalajoj kuwach molajil ajchomanelab’ ri’ rech kakib’an ri komonchak ri’ rech uchapik xuquje’ uq’atexik uwach ri b’anoj k’ax pa tinamit ri’.
Ruk’ wa’ are taqim uq’atexik chi’ xuquje’ pa juntir we Amaq’il ri ub’e’al taq B’anoj Chomanem rech Q’atel k’ax pa taq tinamit ri’ ruk’ Runimal ri Chomab’al Ya’olchajinem xuquje’ rech Q’atel k’ax pa we Amaq’ ri’.
Are kab’antajik ri b’im chik, rajwaxik k’o jun nimaja k’olib’al ri’, kuk’ ri e’ajchakul rech, ri sib’alaj ketijox pa we tinamit, ruk’ juntir kichakub’al rech kakikoj pa chajinemb’al ri’ xuquje’ pa le taqawokajnem rech ri Ya’olchajinem pa Amaq’, rech aretaq kakik’is uwach ri tijonem chi ke rech q’atel k’ax ri’ ri katajin uchakuxik rumal ri Instituto Nacional Estratégico rech Seguridad (INEES) ri’.
K’o juntir ub’e’al b’anoj cholchak ri’
Rumal ri’ eri Tercer Viceministro Carlos García Rubio xub’ij che k’o juntir ri chakub’alil rech kataqixik ub’anik ri cholchak rech ukojik taq ri Oficinas Municipales rech Q’atel k’ax ri’ are la’ xukojo pa tinamit rech Cobán xuquje’ San Cristób’al Alta Verapaz ri’ chi’ k’ut eri rajno’jinelab’ ri Tercer Viceministerio xkik’ut chi ke uwach ri e ajkalte’ib’ xuquje’ chi kuwach ri Honorable Consejo Municipal rech Cobán, rech e are jun pa le Q’atenik k’ax ri’ are k’o jun utzalaj chakunem kakib’an ri’ jacha’ kataqon wi ri chomb’al tinamit xuquje’ rech kab’an kowonem rech k’o jun utzalaj tzijob’en ib’ chi kuwach ri komon winaqilal xuquje’ ri q’atb’al tzij chi la’.
«Pa ukojik taq ri oficinas ri’ are taqim ukojik jamaril k’olib’al rech kab’an utz che ri ya’olchajinem pa taq ri tinamit ri’», xcha’ ri García Rubio.